Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
BOTA
Lufta e Tretë Botërore shpërthen në nëntor. Çfarë qëndron pas këtij skenari të frikshëm për Evropën dhe “plani” rus që ‘shuan’ kontinentin për 100 orë
PiranjatPërditësimi i fundit 29 Shtator 2025, 13:03
Spektri i një “lufte të tretë botërore” të mundshme ka qenë në prag që nga shkurti i vitit 2022, kur Rusia sulmoi Ukrainën. Që atëherë, përshkallëzimi i tensioneve me Perëndimin, që kulmuan me avionët dhe dronët rusë që pushtuan qiellin e vendeve të NATO-s (Estonia, Polonia, Norvegjia dhe Danimarka), kanë nxitur makthin e një konflikti të afërt global. Aq shumë saqë një teori konspiracioni ka shpërthyer në mediat sociale, me një datë fillimi për luftën: 3 nëntor 2025. Por pse pikërisht kjo ditë?
NGA VJEN KOMPLOTI
E gjitha rrjedh nga një intervistë në Daily Mail me ish-komandantin e NATO-s në Evropë, Richard Shirreff, në të cilën gjenerali shpjegoi se si Moska ka kapacitetin për të mposhtur kontinentin evropian në vetëm pesë ditë. Dhe, për ta demonstruar këtë, ai zhvilloi një skenar katastrofik bazuar në një periudhë të rastësishme pesë-ditore (nga 3 deri në 7 nëntor 2025), me një kronologji kohore se çfarë mund të ndodhë orë pas ore. Në këtë skenar fiktiv, Rusia do të sulmonte Evropën duke filluar me vendet baltike, dhe pastaj do të vazhdonte me pjesën tjetër të kontinentit evropian, i cili do të dorëzohej në vetëm 100 orë.
Skenari Shirreff nis sulmin rus në orën 14:00 më 3 nëntor 2025, me një ndërprerje të energjisë elektrike në Vilnius, kryeqytetin e Lituanisë, duke ndërprerë shërbimet thelbësore në qytet. Ndërsa spitalet mbështeten në gjeneratorët e emergjencës dhe bankat pezullojnë operacionet, përhapet kaosi. Një valë krejtësisht e papritur plaçkitjesh dhe trazirash civile shpërthen më pas. Prej andej, fillojnë të regjistrohen ndërprerje lokale të energjisë elektrike në Letoni dhe Estoni. Shkurt, të tre shtetet baltike do të goditen nga një ndërprerje e pashpjegueshme e energjisë elektrike, me Vilniusin i vetmi qytet që do të mbetet plotësisht pa energji.
Të nesërmen, më 4 nëntor 2025, udhëheqësi i Kremlinit Vladimir Putin njofton se, për shkak të trazirave në vendet fqinje, trupat në enklavën e Kaliningradit janë vendosur në gatishmëri maksimale dhe janë zhvendosur në kufirin me Lituaninë. Udhëheqësi i Kremlinit mobilizoi gjithashtu ushtrinë e tij në Bjellorusi, për një total prej mbi 60,000 ushtarësh të vendosur, shkruan TgCom.
Pastaj, ende sipas skenarit të Shirreff, Putin deklaroi se forcat ruse në Kaliningrad ishin sulmuar nga "rebelët lituanezë” dhe më pas urdhëroi një pushtim për të marrë kontrollin e Korridorit Suwalki, një zonë që shtrihet midis Lituanisë dhe Polonisë, me rëndësi të madhe gjeopolitike dhe ekonomike si një rrugë strategjike tregtare që lidh Kaliningradin me Bjellorusinë. Prej andej, ndodh një spirale e rrëmbyeshme, me një sulm rus në shkallë të gjerë dhe disfatën përfundimtare të vendeve të NATO-s.
ËSHTË VETËM NJË PARALAJMËRIM, POR...
Skenari i Shirreff shërben thjesht për të "paralajmëruar" vendet e NATO-s se, në rast të një sulmi të papritur nga Moska. Sipas tij, ato nuk do të kenë kohë të organizojnë përforcime, të lëvizin trupa dhe të mbrojnë infrastrukturën kritike. Vijat e frontit të mbrojtjes mund të shemben menjëherë, duke lënë të ekspozuar një territor të gjerë dhe të dendur të populluar.
Koncepti "pesëditor" nuk përshkruan se si mund të ndodhë sulmi në të vërtetë, por thjesht thekson se sa shpejt mund të shfaqen efektet. Megjithatë, skenari i Shirreff, dhe veçanërisht data e rastësishme e 3 nëntorit 2025, është marrë si e mirëqenë nga disa përdorues të mediave sociale, të cilët e kanë transformuar një "ushtrim mendor" të thjeshtë në një parashikim të plotë.
Prandaj lindja e teorisë së konspiracionit që bëri xhiron e internetit, sipas së cilës data e zgjedhur nga Shirreff do të gjente konfirmim në numerologji, një praktikë e lashtë ezoterike që u atribuon një kuptim të thellë numrave, të konsideruar lajmëtarë të universit dhe mjete për të kuptuar personalitetin, fatin dhe rrugën e jetës së njerëzve. /Piranjat.al/
