Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
BOTA
Tragjike në Vietnam/ Rritet numri i viktimave nga tajfuni “Boiloi”, 20 persona rezultojnë ende të zhdukur
PiranjatPërditësimi i fundit 29 Shtator 2025, 11:35
Numri i të vdekurve nga tajfuni Boiloi në Vietnam është rritur në 11, ndërsa 20 persona rezultojnë ende të zhdukur. Tajfuni goditi vendin më 29 shtator. Erërat e forta dhe shirat e rrëmbyeshëm shkatërruan shtëpi, lanë pa energji elektrike shumë zona dhe shkaktuan përmbytë të rrugëve përpara se stuhia të dobësohej dhe të drejtohej drejt Laosit.
Konkretisht, midis viktimave, të paktën nëntë u vranë nga një tornado që përfshiu provincën veriore të Ninh Binh dhe nga dy tornado të tjera në provincat veriore të Thanh Hoa (veri) dhe Hue (qendër), thanë sot autoritetet e menaxhimit të fatkeqësive natyrore. Tajfuni Boiloi u zhvendos nga brigjet e pjesëve veriore dhe qendrore të vendit përpara se të zbriste në tokë herët të dielën në mëngjes, duke sjellë valë deri në tetë metra, tha agjencia kombëtare meteorologjike.
Boiloi deri më tani ka shkatërruar 245 shtëpi, ka përmbytur 14,000 hektarë fusha orizi dhe të mbjella të tjera dhe ka prerë aksesin në shumë zona, thanë autoritetet në një raport. Përpara se të godiste, qeveria kishte evakuuar më shumë se 28,500 njerëz, ndërsa qindra fluturime u anuluan ose u vonuan, pasi katër aeroporte në provincat qendrore u mbyllën. Pjesa më e madhe e vijës bregdetare të Vietnamit laget nga Deti i Kinës Jugore, duke e bërë vendin të prekshëm nga tajfunët që shpesh formohen në Filipinet lindore, ku Boiloi vrau të paktën 24 persona.
