Një autobus i transportit publik në Tiranë është aksidentuar ditën e sotme në afërsi të gjykatës së Tiran...
BOTA
Lufta në Gaza, Komisioni Evropian propozon masa ndaj Izraelit
PiranjatPërditësimi i fundit 17 Shtator 2025, 14:30
Komisioni Evropian propozoi të mërkurën pezullimin e marrëveshjeve të tregtisë së lirë për mallrat izraelite për shkak të luftës në Gaza, edhe pse masa aktualisht nuk ka mbështetje të mjaftueshme midis vendeve anëtare të Bashkimit Evropian për t'u miratuar. Shefja e politikës së jashtme të BE-së, Kaja Kallas, propozoi gjithashtu një paketë sanksionesh ndaj dy ministrave izraelitë, si dhe kolonëve të dhunshëm dhe anëtarëve të Hamasit.
"Qëllimi nuk është të ndëshkohet Izraeli. Qëllimi është të përmirësohet situata humanitare në Gaza", tha shefja e politikës evropiane Kaja Kallas. Propozimet pasuan njoftimin e Shefes Ekzekutive të BE-së, Ursula von der Leyen, javën e kaluar mbi një paketë të re masash ndaj Izraelit lidhur me luftën në Gaza.
Në një fjalim mbi Gjendjen e Unionit në Parlamentin Europian në Strasburg, von der Leyen tha gjithashtu se pezullimi i mbështetjes dypalëshe të Komisionit për Izraelin nuk do të ndikojë në punën me shoqërinë civile izraelite dhe Yad Vashem, qendrën kryesore përkujtimore të Holokaustit në Izrael.
Komisioni kishte propozuar më parë kufizimin e aksesit të Izraelit në programin e tij kryesor të financimit të kërkimit, por nuk arriti të siguronte mbështetje të mjaftueshme nga vendet anëtare të BE-së për këtë veprim.
