Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
BOTA
Maduro fiton mandatin e tretë në Venezuelë
n.fPërditësimi i fundit 29 Korrik 2024, 08:05
Nicolas Maduro
VENEZUELË- Presidenti Nicolas Maduro ka fituar zgjedhjet presidenciale të Venezuelës dhe ka siguruar mandatin e tij të tretë, sipas rezultateve të publikuara nga këshilli zgjedhor i vendit. Me 80% të votave të numëruara, Maduro siguroi 51.20% të votave dhe Gonzalez Urrutia rreth 44%.
Më herët, opozita, nga ana tjetër, siguroi se ka të gjitha arsyet për të “festuar” rezultatin, ndërsa u bëri thirrje mbështetësve të qëndrojnë në qendrat e votimit, për të garantuar transparencën dhe besueshmërinë e numërimit.
“Rezultatet nuk mund të fshihen. Vendi ka zgjedhur në mënyrë paqësore ndryshimin”, siguroi Gonzalez Urrutia përmes X rreth orës 23:00, përpara se të shpalleshin rezultatet.
Nga ana e saj, Maria Korina Machado, një figurë drejtuese e opozitës, kërkoi që forcat e armatosura të respektojnë rezultatin e zgjedhjeve.
“Mesazhi për ushtrinë. Populli venezuelian ka folur: ata nuk e duan Maduro-n”, argumentoi ajo më herët, gjithashtu nëpërmjet X. “Është koha për të qëndruar në anën e duhur të historisë. Ju keni një shans, dhe është tani."
Nga ana e saj, qeveria amerikane bëri thirrje për një “numërim të drejtë dhe transparent”, me kreun e diplomacisë amerikane, Anthony Blinken, duke kërkuar që rezultatet të bëhen publike në detaje, si garanci për transparencë dhe llogaridhënie.
Qeveria amerikane "lavdëron popullin venezuelian për pjesëmarrjen në zgjedhjet presidenciale të 28 korrikut, pavarësisht sfidave të mëdha dhe shqetësimeve të thella rreth procesit," tha zoti Blinken. “Tani që votimi është mbyllur, është jetike që çdo votë të numërohet në mënyrë të drejtë dhe transparente”, shtoi Sekretari i Shtetit i Presidentit Joe Biden.
