Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
BOTA
"Mama, jam e lodhur, dua të vdes"! Histori të trishta nga Gaza, 8-vjeçarja humbi flokët nga stresi i luftës: Do t’i lë të më rriten në Parajsë! E mbaj pasqyrën sepse dua t'i kreh (VIDEO)
e. dPërditësimi i fundit 21 Mars 2025, 17:32
GAZA- Sama Tubail jo vetëm që ka humbur thuajse çdo fije floku në kokë, por edhe një pjesë të fëmijërisë së saj. Mjekët thonë se flokët Samas ranë nga shoku i nervozizmit, i shkaktuar nga trauma që ajo kaloi, sidomos pasi shtëpia e fqinjëve të saj në Rafah, u sulmua me raketë gushtin e vitit të shkuar. Si pasojë e rraketave izraelite tetë vjeçarja shikohet në pasqyrë, jo me vetëkënaqësi, por me trishtim.
“Dua të kreh flokët sërish”, thotë ajo, por nuk mund ta përjetojë as këtë gëzim të vogël, të përditshëm, pasi nuk i ka mbetur asnjë fije.
"Jam shumë e trishtuar që nuk kam asnjë fije floku për të krehur me furçën time. Unë e mbaj pasqyrën sepse dua të kreh flokët. Unë me të vërtetë dua t'i kreh flokët përsëri," tha Sama për CNN.
Sama para 7 tetorit 2023 kishte flokë të gjatë dhe luante jashtë me miqtë e saj në Jabalya të Gazës veriore. Por që atëherë, Sama dhe familja e saj kanë qenë në mesin e 1.9 milionë palestinezëve të zhvendosur me forcë nga shtëpitë e tyre, duke ikur së pari në rajonin jugor të enklavës Rafah nën urdhrat e ushtrisë izraelite.
Alopecia e saj nuk është rezultat i kimioterapisë apo ndonjë sëmundje fizike, por mjekët besojnë se është për shkak të stresit të luftës dhe statusit të refugjatit, pasi ajo dhe familja e saj dhe 1.9 milionë palestinezë të tjerë janë zhvendosur nga shtëpitë e tyre që nga fillimi i luftës më 7 tetor 2023.
Sama, ishte një vajzë e vogël krejtësisht e shëndetshme, derisa pa shtëpinë e fqinjëve të tyre duke u bombarduar nga avionët izraelitë, në atë moment ajo filloi të humbiste flokët e saj. Shëndeti i saj mendor u përkeqësua deri në atë pikë sa nuk donte më të dilte nga shtëpia, ose dilte gjithmonë e veshur me një fashë rozë.
“Mami, jam e lodhur. Dua të vdes dhe t’i lë flokët të më rriten në Parajsë”, i thotë vajza nënës së saj.
Me lot në sy dhe e trishtuar Sama tha: "Shtëpia jonë u bombardua dhe brenda saj kishte kaq shumë kujtime - fotot e mia, certifikatat e mia. Kisha fustane dhe kaq shumë sende, por shtëpia u shkatërrua dhe unë nuk kam mundur ta shoh atë që atëherë".
Edhe pas armëpushimt në vend, flokët e saj nuk u rritën dhe ajo pyet veten nëse do të ndodhë ndonjëherë.
“Sa herë që flokët fillojnë të më rriten, i shikoj me shpresë, por më pas bien përsëri”, tha ajo.
Nëna e saj shpjegoi se Sama ndihet e turpëruar që nuk ka flokë, madje edhe para motrave të saj, dhe ndjen se nuk mund ta rifillojë jetën e saj derisa ajo të rritet sërish.
"Sama gjithmonë më thoshte 'dua të shkoj në veri për të gjetur rrobat dhe kujtimet e mia'," tha nëna e saj.
Sipas të dhënave të UNICEF-it, që nga qershori i kaluar, pothuajse të gjithë fëmijët në Gaza ( 1.2 milionë ) kanë nevojë për mbështetje psikologjike, pasi kanë qenë të ekspozuar ndaj ngjarjeve traumatike. Ose, siç tha zëdhënësi i organizatës Tom Fletcher, një brez i tërë është traumatizuar. Fëmijët janë vrarë, janë të uritur dhe kanë vdekur nga të ftohtit. Disa u vranë para se të lindnin, së bashku me nënën e tyre shtatzënë.
Izraeli nisi një luftë në Gaza pasi militantët e udhëhequr nga Hamas sulmuan Izraelin jugor më 7 tetor 2023, duke vrarë 1200 njerëz kryesisht civilë, sipas autoriteteve izraelite, dhe duke rrëmbyer më shumë se 250. Ofensiva ushtarake e Izraelit, e ndërprerë për gati dy muaj nën një marrëveshje të brishtë armëpushimi, ka vrarë më shumë se 48, fëmijë.
