Protestuesit kanë nisur marshimin drejt Kryeministrisë, pasi u grumbulluan fillimisht përpara Ministrisë së Arsimit në Tiran&eum...
BOTA
Marrëveshja tregtare BE–MERCOSUR drejt nënshkrimit, qëndrime të ndryshme nga shtetet anëtare
PiranjatPërditësimi i fundit 9 Janar 2026, 14:29
Marrëveshja tregtare e Bashkimit Evropian me vendet e MERCOSUR-it (Brazili, Argjentina, Paraguai dhe Uruguai) është miratuar me shumicën e kërkuar të shteteve anëtare dhe po i afrohet fazës së nënshkrimit, sipas katër diplomatëve të BE-së që, citon Politico.
Megjithatë, disa vende shprehën kundërshtime. Konkretisht, Franca, Polonia, Austria, Irlanda dhe Hungaria votuan kundër marrëveshjes, ndërsa Belgjika zgjodhi të abstenojë nga votimi.
Kryeqytetet e BE-së kanë afat deri të premten në orën 18:00 për të paraqitur kundërshtime të mundshme. Marrëveshja përfshin masa shtesë për mbrojtjen e bujqësisë evropiane, të cilat do të aktivizohen në rast të një rritjeje të menjëhershme të importeve nga vendet e MERCOSUR-it.
Këto masa u miratuan gjithashtu nga ambasadorët e shteteve anëtare të BE-së, sipas burimeve diplomatike që kërkuan anonimitet.
Presidentja e Komisionit Evropian, Ursula von der Leyen, nga ana tjetër po planifikon një vizitë në Paraguai javën e ardhshme për nënshkrimin e marrëveshjes.
Çfarë parashikon marrëveshja BE – Mercosur
Bëhet fjalë për një marrëveshje të tregtisë së lirë, e cila nga njëra anë do t’i lejojë BE-së të eksportojë më shumë verëra, pije alkoolike, automjete dhe makineri, ndërsa nga ana tjetër do të lehtësojë hyrjen në tregun evropian të mishit, sheqerit, orizit, mjaltit dhe sojës nga vendet e Amerikës Latine.
Kjo perspektivë shqetëson fermerët evropianë, të cilët vlerësojnë se nuk mund të konkurrojnë me koston e ulët të prodhimit të këtyre produkteve në vendet e MERCOSUR-it.
Për miratimin e marrëveshjes kërkohej një shumicë e cilësuar prej të paktën 15 shteteve anëtare, që përfaqësojnë të paktën 65% të popullsisë së BE-së. Vendet skandinave, Gjermania dhe Spanja e shohin këtë marrëveshje si një “mundësi të artë” për hyrjen në një treg gjigant prej rreth 780 milionë konsumatorësh, në një kohë kur tarifat amerikane dhe konkurrenca kineze po ushtrojnë presion mbi ekonominë evropiane.
Presidenti amerikan Donald Trump deklaroi se mezi pret të takohet me lideren e opozitës venezueliane, Maria Corina Machado, duke zbuluar se fituesja...
