Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
BOTA
Merr flakë aeroporti Heathrow në Londër, shtyhen fluturimet
PiranjatPërditësimi i fundit 1 Tetor 2025, 11:29
Një zjarr i madh ka shpërthyer këtë mëngjes në parkimin shumëkatësh të Terminalit 3 në aeroportin Heathrow, pasi një automjet mori flakë papritur.
Pamjet nga vendngjarja treguan shtëllunga të mëdha tymi që ngriheshin nga godina dhe flakë të forta që përhapeshin me shpejtësi.
Sipas autoriteteve britanike, alarmi i parë u dha në orën 09:03, ndërsa menjëherë në vendngjarje mbërritën katër automjete zjarrfikëse dhe rreth 25 zjarrfikës nga stacionet e Heathrow, Hayes dhe Feltham.
Për shkak të flakëve, një pjesë e autostradës M4 në drejtim të jugut është mbyllur pranë aeroportit, ndërsa udhëtarëve u është këshilluar të përdorin daljen J3 të M4 ose J14 të M25. Edhe disa linja autobusësh janë detyruar të ndërpresin shërbimin e tyre drejt Heathrow, duke shkaktuar vonesa në fluturime dhe konfuzion te pasagjerët.
Një zëdhënës i Heathrow konfirmoi se bëhej fjalë për një zjarr të izoluar. “Mëngjesin e sotëm, ekipet tona reaguan ndaj një zjarri të vogël në një automjet në parkimin shumëkatësh të Terminalit 3.
Zjarri u shua shpejt, por parkimi mbetet i mbyllur përkohësisht, gjë që mund të shkaktojë trafik në rrugët përreth.
Të gjitha parkimet e tjera të aeroportit funksionojnë normalisht. Kërkojmë ndjesë pasagjerëve për shqetësimin e shkaktuar,” u shpreh ai.
