Gjykata e Durrësit, ka caktuar këtë të mërkurë masën e sigurisë “Arrest në burg”, për 27-vje&cce...
BOTA
“Mos besoni lajmet e rreme”, shpërthen Trump: Disa sharlatanë po përpiqen të sabotojnë armëpushimin me Iranin
PiranjatPërditësimi i fundit 8 Prill 2026, 19:30
Presidenti amerikan Donald Trump ka ngritur shqetësimin se disa persona po përpiqen të ndërhyjnë në negociatat midis Shteteve të Bashkuara dhe Iranit. Me anë të një postimi në platformën “TruthSocial”, Trump tha se disa mashtrues dhe sharlatanë po shpërndajnë lista dhe letra të rreme që nuk kanë absolutisht asnjë lidhje me negociatat SHBA/Iran.
Trump shtoi se ekziston vetëm një grup ‘Pikash’ kuptimplote që janë të pranueshme për Shtetet e Bashkuara, dhe se do t’i diskutojnë ato pas dyerve të mbyllura.
Presidenti sulmoi edhe ‘CNN’, për të cilin tha se mbrëmë, sipas tij, publikoi disa lajme të rreme, nga një ‘burim’ që nuk kishte asnjë fuqi ose autoritet për të folur për situatën.“Marrëveshje, lista dhe letra të shumta po dërgohen nga njerëz që nuk kanë absolutisht asnjë lidhje me negociatat SHBA/Iran, në shumë raste, ata janë mashtrues të plotë, sharlatanë dhe MË KEQ. Ato do të ekspozohen shpejt pasi të përfundojë Hetimi ynë Federal. Ekziston vetëm një grup "PIKASH" kuptimplote që janë të pranueshme për Shtetet e Bashkuara, dhe ne do t'i diskutojmë ato pas dyerve të mbyllura gjatë këtyre negociatave. Këto janë PIKAT që janë baza mbi të cilën ramë dakord për një ARMPUSHURIM. Është diçka e arsyeshme dhe mund të hiqet lehtësisht. Është shumë e ngjashme me lajmet e rreme të CNN mbrëmë, duke titulluar një "burim" që nuk kishte asnjë fuqi ose autoritet për të shkruar një Letër që pretendonte autoritet të madh”, shkroi Trump në postimin e tij.
Ky reagim i Trump, vjen në një kohë delikate ku armëpushimi me Iranin duket shumë i brishtë. Trump po mundohet të eleminojë çdo lloj keqkuptimi për të shmanguar rifillimin e sulmeve.
