Ka qenë ministrja për Shtetin dhe Parlamentin, Erjona Ismaili, ajo që ka reaguar pas mbledhjes së qeverisë lidhur me akuzat e pretend...
BOTA
Moti i keq godet Rumaninë, 166 mijë familje pa energji, stuhi të forta dhe 1 metër borë!
PiranjatPërditësimi i fundit 18 Shkurt 2026, 18:05
Probleme të rënda janë shkaktuar në trafikun ajror sot në Rumani, ndërsa shumë segmente rrugore janë mbyllur, si dhe shkollat, për shkak të reshjeve të dendura të dëborës të shoqëruara me stuhi në pjesët qendrore, jugore dhe lindore të vendit, i cili është vënë në alarm të kuq.
“Ky është një fenomen serioz i motit. Është ndoshta episodi më i rëndë i këtij dimri”, tha për rrjetin ‘Digi24’ Florinela Georgescu, drejtoresha e parashikimeve të shërbimit meteorologjik rumun.
Në të gjithë vendin, ndërprerjet e energjisë elektrike raportohen në 205 vende në 10 qarqe, duke prekur më shumë se 166,000 familje.
Që nga ora 11:00, asnjë aeroplan nuk ishte ngritur nga aeroporti Otopeni i Bukureshtit, ku një shtresë prej 30 centimetrash borë mbuloi rrugët, ndërsa tetë fluturime u anuluan, pesë u devijuan në aeroporte të tjera dhe dy pista u mbyllën në Aeroportin Ndërkombëtar ‘Henri Coanda’, sipas ministrisë së brendshme.
Në Bukuresht, transporti publik është ndërprerë, ndërsa trenat që mbërrijnë në stacionin kryesor hekurudhor ishin më shumë se gjashtë orë me vonesë, sipas AFP. Seksione të autostradave dhe rrugëve kombëtare janë mbyllur në qarqe, njoftoi në të njëjtën kohë Qendra e Informacionit të Trafikut të Policisë Rumune.
Shërbimi Kombëtar Meteorologjik i Rumanisë lëshoi paralajmërimin, ndërsa Departamenti i Situatave të Emergjencës aktivizoi një mesazh RO-ALERT , duke u bërë thirrje qytetarëve të shmangin udhëtimet. Në nivel kombëtar, fenomeni preku 67 zona në 21 qarqe dhe Bukureshtin. “Në orën 08:00 të mëngjesit të sotëm, shtresa e borës në male kaloi një metër. Në Bâlea Lac u regjistruan 162 centimetra, ndërsa në malet Semenic mbi 140 centimetra. Në Sinaia u matën 64 cm, në Predeal pothuajse 40 cm dhe në Braşov rreth 35 cm. Në pjesën jugore të vendit, lartësitë varionin midis 18 dhe 30 cm, ndërsa Moldavia gjithashtu regjistroi reshje të moderuara bore”, informoi media rumune.
