Pasuri me vlerë 77 milionë lekë janë vendosur nën sekuestro preventive në kuadër të hetimit të SPAK për traf...
BOTA
Motra dhe dy vëllezërit i vunë flakën shtëpisë për t'i shpëtuar policisë, vdesin tre karabinierë në Verona
PiranjatPërditësimi i fundit 14 Tetor 2025, 12:14
Tre karabinierët Marco Piffari, Valerio Daprà dhe Davide Bernardello u vranë dhe trembëdhjetë ushtarë, oficerë policie dhe zjarrfikës u plagosën në një shpërthim që ndodhi në një shtëpi fshati në Castel D’Azzano, në Verona.
Si pasojë, u arrestuan dy persona dhe një person u shpall në kërkim, pasi ndaj tyre kishte një urdhër dëbimi.
Policia kishte hyrë për të kontrolluar banesën dhe në atë moment u përballën me shpërthimin, i cili dyshohet se u shkaktua nga personat që ndodheshin brenda. Në banesë në këtë kohë gjendeshin tre persona, dy vëllezër dhe një motër. Shtëpia ishte e mbushur me gaz dhe shpërthimi ndodhi kur u hap dera e përparme, duke goditur policinë dhe zjarrfikësit që po hynin me forcë brenda.
Tre personat e përfshirë, kanë përdorur edhe vitin e kaluar të njëjtën taktikë për ti shpëtuar dënimit.
Mbi ngjarjen tronditëse ka reaguar edhe kryeministrja e Italisë Giorgia Meloni e cila ka shprehur ngushëllimet ndaj familjeve të policëve që mbetën të vrarë.
“Ngushëllimet e mia më të thella, dhe ato të qeverisë, shkojnë për familjet e viktimave. Po ndjek me shqetësim dhe pikëllim zhvillimet e kësaj çështjeje dramatike, e cila na kujton edhe një herë vlerën dhe sakrificën e përditshme të atyre që i shërbejnë shtetit dhe qytetarëve të tij”, shkroi Meloni.
