Pamje të rënda janë publikuar nga protesta studentore në Tiranë. Siç shihet edhe në video, një i ri nga Tirana ...
BOTA
Musk e quajti diktator dhe klloun, presidenti i Venezuelës merr hak, bllokon aksesin në platformën X
S.BPërditësimi i fundit 9 Gusht 2024, 07:42
Musk dhe Maduro
VENEZUELA- Presidenti i Venezuelës Nicolás Maduro ka nënshkruar një dekret që bllokon aksesin në platformën e mediave sociale X, dikur Twitter, për 10 ditë pas një konflikti publik me pronarin Elon Musk. Të dy kanë shkëmbyer ironi dhe ofendime që kur Maduro u shpall fitues i zgjedhjeve të diskutueshme presidenciale të muajit të kaluar.
Musk e ka përshkruar liderin venezuelian si një "diktator" dhe "klloun", ndërsa Maduro e ka akuzuar Musk për nxitje të "urrejtjes, fashizmit dhe luftës civile". Javët e fundit janë ndezur protesta antiqeveritare për rezultatin e zgjedhjeve dhe qindra njerëz janë arrestuar nga forcat e sigurisë të Venezuelës.
Votimi, i mbajtur më 28 korrik, është përshkruar si "jodemokratik" nga vëzhguesit e pavarur dhe opozita kryesore ka thënë se ka prova që kandidati i saj, Edmundo González, fitoi me një diferencë të madhe.
Maduro ka pohuar se autoriteti zgjedhor i vendit, Këshilli Kombëtar Zgjedhor (CNE), ishte objektivi i një "grushti kibernetik" gjatë zgjedhjeve dhe akuzoi Musk për organizimin e një "sulmi" ndaj ofertës së tij për rizgjedhje. Në një fjalim të transmetuar në televizionin shtetëror të enjten mbrëma, Maduro tha se X do të "tërhiqej nga qarkullimi" nga agjencia shtetërore përgjegjëse për telekomunikacionet.
“Elon Musk është pronar i X dhe ka shkelur të gjitha rregullat”, tha ai. “Ai ka shkelur rregullat duke nxitur urrejtje, fashizëm, luftë civile, vdekje, konfrontim të venezuelianëve dhe ka shkelur të gjitha ligjet venezueliane”.
Musk krahasoi inteligjencën e Maduros me atë të një gomari dhe tha se "populli i Venezuelës u mjaftua me këtë klloun". CNE e ka shpallur Maduro fituesin e zgjedhjeve, por ende nuk ka publikuar listën zyrtare të votave.
