Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Ndalimi i ankorimit të "Bibby Stokholm" në Portland, Gjykatësi: Këshilli nuk ka fuqi mbi kontrollin e planifikimit të maunes
n.fPërditësimi i fundit 24 Maj 2024, 09:29
Foto ilustruese
ANGLI-Një gjyqtar i Gjykatës së Lartë në Mbretërinë e Bashkuar ka vendosur që maunet e emigrantëvë të qevesisë angleze nuk janë nën kontrollin e planifikimit të këshillit të Dorset. Çështja për maunet e emigrantëve u ngrit nga kryebashkiakja i Portlandit Carralyn Parkes kundër Këshillit të Dorset.
Parkes i tha gjykatës se autoriteti mund të kishte ndaluar ankorimin e maunes në Portland Port. Megjithatë, Justice Holgate vendosi se shtrati i detit dhe porti nuk mund të konsiderohen si "tokë", mbi të cilat këshilli mund të ketë kompetenca zbatuese.
"Nëse toka do të trajtohej sikur përfshin shtratin e detit, nuk do të kishte vend ndalimi logjik përpara se të arrihen kufijtë e sovranitetit territorial të këtij vendi," tha ai.
Parkes, duke vepruar si qytetare private, po sfidonte vendimin e këshillit në korrik 2023 për të mos marrë parasysh përshtatshmërinë e vendndodhjes së maunes Avokatët e saj i thanë gjykatës se ishte thellësisht e shqetësuar për anijen 93 metra të gjatë që strehoi azilkërkuesit.
Megjithatë, këshilli tha se rasti ishte absurd dhe i papërshtatshëm, duke shtuar se ligji i planifikimit thjesht nuk shtrihet nën nivelin mesatar të ulët të ujit. Në tetor 2023, Parkes humbi një çështje tjetër të Gjykatës së Lartë kur i njëjti gjyqtar bllokoi aplikimin e saj për të sfiduar Ministrinë e Brendshme mbi ligjshmërinë e vendimit të saj për të vendosur emigrantët në maune.
Anija me 222 dhoma, që strehon deri në 500 burra ndërsa kërkesat e tyre për azil janë duke u përpunuar, mbërriti në port në korrik 2023. Në dhjetor, azilkërkuesi shqiptar Leonard Farruku u gjet i vdekur në maune pasi u vetëvra.
27-vjeçari shqiptar, Leonard Farruku ndërroj jetë në dhjetor pa e ditur se ai kishte fituar të drejtën për të punuar në Angli e drejtë e cila iu dha nga Home Office. I riu shqiptar kishte mbërritur në Angli prej një viti dhe qëndronte në një azil në Bibby Stokholm. Ai u kishte paguar kontrabandistëve 4,000 euro për të shkuar në Britani ilegalisht me një varkë të vogël përtej Kanalit në gusht 2022. Më pas ai kishte kërkuar azil dhe kërkesa e tij po shqyrtohej në mënyrë aktive nga Zyra e Brendshme në kohën e vdekjes së tij më 12 dhjetor të vitit të kaluar.
Farruku kishte aplikuar për të punuar në një profesion me mungesë, siç lejohet sipas rregullave të Home Office dhe e kishte fituar. Lajm të cilin nuk arriti ta merrte arsye e cila ende mbetet e dyshimte pasi autoritet thone se disa ditë para vdekjes së të riut i ishte dërguar njoftimi. Farruku dyshohet se i ka dhënë fund jetës në bordin e Bibby Stockholm në portin Portland, Dorset pasi u ankua për shëndetin e tij mendor. Emigrantët e tjerë pretendojnë se kanë dëgjuar të bërtitura dhe përplasje në murin e kabinës së tij atë natë.
