"Ndodhi ajo që i frikësoheshin!" Shënohen incidentet e para pak orë para nisjes së Lojërave Olimpike, sulmohet rrjeti hekurudhor në Francë

Foto ilustruese

FRANCA- Teksa Francën e ndajnë vetëm pak orë nga ceremonia e hapjes së Lojërave Olimpike të Parisit 2024, kompania franceze hekurudhore SNCF tha se rrjeti i saj është vënë në shënjestër të akteve dashakeqe, duke përfshirë sulmet me zjarrvënie që kanë ndërprerë sistemin e transportit. Mediat e huaja raportojnë se disa linja të trenave me shpejtësi të lartë janë sulmuar në perëndim, veri dhe lindje të Parisit dhe janë krijuar radhë në stacionin Gare Montparnasse në Paris.

Ministri francez i Transportit Patrice Vergriete ka dënuar ashpër aktet kriminale që tha se do të ndikonin në planet për pushime të njerëzve. Mësohet se një sërë linjash trenash janë anuluar dhe SNCF ka paralajmëruar se situata mund të zgjasë të paktën gjatë gjithë fundjavës derisa të kryhen riparimet.

“Ky është një sulm masiv në një shkallë të gjerë për të paralizuar rrjetin trenave me shpejtësi të lartë”, tha oeratori i trenave SNCF.

Gjithashtu, SNCF u bëri thirrje pasagjerëve që të shtyjnë udhëtimet e tyre dhe të qëndrojnë larg stacioneve të trenit.

franca