Ditën e sotme do të dalë para trupës gjykuese daja i deputetes socialiste, Zegjine Çaushi, Bledar Bakaj. Bakaj i cil...
BOTA
“Ne gjithmonë do të zgjedhim Tokën”- Mesazhi i astronautes pas rikthimit të komunikimit me anijen kozmike!
PiranjatPërditësimi i fundit 7 Prill 2026, 07:40
Anija kozmike Orion humbi kontaktin me Tokën për rreth 40 minuta gjatë kalimit në anën e largët të Hënës, një ndërprerje e pritshme për shkak të mungesës së sinjalit. Pas rikthimit të komunikimit, astronautja Christina Koch përcolli një mesazh që po bën jehonë në mbarë botën.
Në komunikimin e parë me qendrën e kontrollit në NASA, ajo deklaroi:
“Hjuston, Integrity, kontroll komunikimi. Është kaq bukur të dëgjojmë sërish nga Toka.
Për Azinë, Afrikën dhe Oqeaninë, po ju shohim nga këtu. Ju mund të shihni Hënën tani, edhe ne ju shohim ju.
Kur e drejtuam këtë anije drejt Hënës, thashë se ne nuk e lëmë Tokën, por e zgjedhim atë dhe kjo është e vërtetë.
Ne do të eksplorojmë, do të ndërtojmë, do të krijojmë anije të reja dhe do të rikthehemi sërish. Do të ndërtojmë baza shkencore. Do të zhvillojmë radioastronominë, do të krijojmë kompani dhe do të forcojmë industrinë.
Do të frymëzojmë, por mbi të gjitha, ne gjithmonë do të zgjedhim Tokën. Ne gjithmonë do të zgjedhim njëri-tjetrin”, tha austronautja.
Astronautët filluan pjesën e kthimit në shtëpi të misionit të tyre pasi arritën në anën tjetër të hënës, duke tejkaluar distancën e arritur nga Apollo 13 në vitin 1970.
