Dashi
E diela fillon pak e përgjumur, por më pas forca dhe energjia kthehen pasdite. Mbrëmja do të jetë shumë e vlefshme për...
BOTA
Një fëmije i konfiskohet flamuri i BE-së në Milano‑Cortina 2026/ Veprimi ndez polemika të forta politike
PiranjatPërditësimi i fundit 19 Shkurt 2026, 12:42
Flamuri i Bashkimit Evropian u bë një çështje mediatike pasi iu konfiskua një fëmije gjatë Lojërave Olimpike të Milano‑Cortina 2026, në Arenën Santa Giulia të Milanos, ku po zhvillohej gjysmëfinalja e hokejit mbi akull për femra midis SHBA-së dhe Suedisë, fituar nga Shtetet e Bashkuara.
Djali ishte atje për të ndjekur ndeshjen së bashku me shokët e klasës.
Çështja e flamurit të BE-së të konfiskuar Sipas asaj që është bërë e ditur, gjatë kontrollit të çantës së fëmijës 12-vjeçar, stafi i sigurisë vuri re flamurin e Evropës dhe u shpjegoi se nuk ishte e mundur të hynte me të në impiantin sportiv. Sipas Kartës Olimpike, flamuri konsiderohet një simbol politik dhe nuk përfaqëson një shtet.
Kjo do të thotë se Komiteti Olimpik Ndërkombëtar nuk lejon që tifozët ta valëvrisin atë në tribunë. Flamuri u konfiskua fillimisht, por më pas iu kthye djalit me këshillën që të mos e ekspozonte gjatë garës.
Reagimi i Fondacionit Milano‑Cortina 2026 Fondacioni organizator i Milano‑Cortina 2026 deklaroi: "Komiteti organizator është në dijeni të episodit që përfshiu një spektator të ri gjatë gjysmëfinales së hokejit mbi akull, ku një flamur u konfiskua gjatë kontrolleve në hyrje. Flamuri nuk ishte i ndaluar sipas rregullores së vendit dhe situata nuk u menaxhua në mënyrën e duhur, sidomos duke marrë parasysh moshën e spektatorit. Kemi keqardhje për atë që ndodhi dhe kemi kontaktuar familjen."
Reagimet politike Ngjarja u shndërrua shumë shpejt edhe në një çështje politike, me komente nga figura të ndryshme, përfshirë Carlo Calenda nga Azione dhe Enrico Borghi e Ivan Scalfarotto nga Italia Viva.Carlo Calenda: "Një gjest i marrë dhe i papranueshëm”
"Komiteti Olimpik duhet të ketë humbur mendjen përfundimisht. Këto Lojëra filluan me ndalimin për një atlet ukrainas që të mos vishej me kaskën që kishte foto të shokëve të tij të vrarë duke mbrojtur vendin nga agresori rus. Na thanë që kjo është rregull olimpik. Sipas meje, idiotësi. Sot ndodhi një tjetër absurditet: T’i hiqet një flamur i BE-së një fëmije sepse thuhet se nuk përfaqëson një vend, por është një flamur politik si ai i paqes. Një gjest i marrë, i papranueshëm dhe i pamoralshëm.”
Italia Viva:"Një rast festiv u shndërrua në moment paradoksal"Borghi dhe Scalfarotto komentuan: "Pas incidentit të papranueshëm me atletin ukrainas, mospërputhja e protokollit të Komitetit Olimpik Ndërkombëtar goditi përsëri. Në këtë rast, të paktën, burokracia u përkul dhe djalit iu lejua të mbante flamurin, por pa e treguar.”
Ata shtuan: "Një rast festiv u kthye në një moment paradoksal: ai copë blu me yjet e verdha, që na përfaqëson të gjithëve, u bë një gjë që nuk mund të ekspozohej në Lojëra Olimpike, që duhej fshehur sepse konsiderohej 'simbol politik'. Paradoxa e mëtejshme është se flamuri i Bashkimit Evropian është i pranishëm në pallatet e Milano-Cortina dhe para të gjitha zyrave publike të qytetit."
Përplasjet dhe kërkimi i faljes Drejtori operativ i Fondacionit, Andrea Francisi, i telefonoi babait të 12-vjeçarit për të kërkuar falje dhe për të treguar kujdes për situatën e djalit: "Francisi dëgjoi situatën e vogëlushit dhe kërkoi adresën për t’i dërguar një kujtim."
Një precedent Një precedent i ndryshëm ndodhi gjatë Lojërave Olimpike Verore të Rio 2016, kur floretaistja Elisa Di Franciscavalëviti flamurin e BE-së në podiumin e argjendit, duke marrë komplimente nga Brukseli dhe pakënaqësi nga organizatorët./Marrë nga Tgcom24, përshtati në shqip Piranjat News
