Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
BOTA
"Nuk jam i sigurt nëse kemi bërë diçka të keqe!" Zelensky pas debatit të tensionuar me Trump: Grindjet nuk janë të mira, por duhet të jemi shumë të hapur
M.B.Përditësimi i fundit 1 Mars 2025, 08:07
SHBA- Presidenti ukrainas Volodymyr Zelensky ka dhënë një intervistë për Fox News pas takimit të tensionuar me presidentin Donald Trump në Shtëpinë e Bardhë. Ai tha se grindjet me Trump nuk ishin “të mira për të dyja palët”, por u shpreh optimist se marrëdhëniames tyre mund të shpëtohet.
“Po, sigurisht, sepse janë marrëdhënie më shumë se dy presidentë. Janë marrëdhëniet historike, marrëdhëniet e forta midis popujve tanë... Jam falënderues për presidentin, dhe, natyrisht, për Kongresin, por para së gjithash, për popullin tuaj. Njerëzit tuaj ndihmuan në shpëtimin e popullit tim… ne donim shumë që të kishim marrëdhënie të forta. Unë thjesht dua të jem i sinqertë dhe vetëm dua që partnerët tanë ta kuptojnë situatën saktë. Kjo është për ne që të mos humbasim miqësinë tonë,” tha Zelensky.
Zelensky tha se ukrainasit dhe amerikanët duhet të jenë në të njëjtën anë, kundër Rusisë.
"Shpresoj që presidenti të jetë në anën tonë së bashku me ne, është shumë e rëndësishme të ndalojmë (presidentin rus Vladimir) Putin", tha ai.
Zelensky pohon se Putini ka thyer disa herë marrëveshjet e armëpushimit me Ukrainën. I pyetur nëse i detyrohet Donald Trump një falje pas asaj që u shpalos në Zyrën Ovale, Zelensky nuk i përgjigjet drejtpërdrejt pyetjes.
"Unë e respektoj presidentin dhe respektoj popullin amerikan. Unë mendoj se duhet të jemi shumë të hapur dhe shumë të sinqertë dhe nuk jam i sigurt se kemi bërë diçka të keqe", tha ai.
Zelensky tha se ukrainasit janë "gati për paqe", duke shtuar se kjo është arsyeja pse ai erdhi në Shtëpinë e Bardhë për vizitë.
"Nuk mund të them thjesht ndal. Ne duam paqe të drejtë dhe të qëndrueshme", tha Zelensky.
