Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
BOTA
Opozita e qendrës së djathtë fiton zgjedhjet parlamentare në Groenlandë, Nielsen do të duhet të bisedojë me partitë e tjera për të formuar një qeveri koalicioni
n.fPërditësimi i fundit 12 Mars 2025, 10:26
GROENLANDË- Opozita e qendrës së djathtë në Groenlandë, Partia Demokratike ka fituar zgjedhjet e djeshme parlamentare. Partia Demokratike mblodhi 29.9% të votave, nga 9.1% në 2021 dhe doli përpara partisë Naleraq (24.5%), e cila dëshiron që procesi për pavarësinë e ishullit të ecë përpara shpejt.
Që nga kthimi në Shtëpinë e Bardhë në janar, Trump është zotuar se Groenlanda do të bëhet pjesë e Shteteve të Bashkuara duke thënë se është kritike për interesat amerikane, një ide që shumica e groenlandezëve e refuzojnë.
Ishulli i madh, i cili ka vetëm 57,000 banorë, është gjetur në qendër të një gare gjeopolitike për kontrollin e Arktikut, një rajon i pasur me burime natyrore që po bëhet gjithnjë e më i aksesueshëm ndërsa akulli shkrihet. Si Kina ashtu edhe Rusia kanë intensifikuar aktivitetet e tyre ushtarake në rajon.
Kreu i Partisë Demokratike, Jens-Frederik Nielsen do të duhet të bisedojë me partitë e tjera për të formuar një qeveri koalicioni. Partia qeverisëse Inuit Ataqatigiit dhe partneri i saj Siumit së bashku mblodhën 36% të votave, krahasuar me 66.1% në 2021.
Groenlanda është një ish-koloni e Danimarkës, së cilës i përket që nga viti 1953. Në vitin 1979, ajo fitoi njëfarë autonomie dhe në ishull u mbajtën zgjedhjet e para parlamentare, por Kopenhagen vazhdon të përcaktojë politikën e jashtme, mbrojtjen dhe politikën monetare të Groenlandës, duke i ofruar asaj rreth një miliard dollarë në vit.
Në vitin 2009, Groenlanda fitoi të drejtën për të shpallur pavarësinë e plotë pas një referendumi, por nuk e ka bërë këtë pasi është i shqetësuar se standardet e jetesës së banorëve të saj do të bien pa mbështetjen daneze. Interesi intensiv i Trump ka shkaktuar trazira në ishull dhe, e kombinuar me krenarinë në rritje të popullit indigjen për kulturën e tyre, ka sjellë në plan të parë çështjen e pavarësisë.
