Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
OSBE: Mbyllja e institucioneve paralele serbe në Kosovë pa alternativa të tjera rrezikon të përkeqësojë tensionet!
n.fPërditësimi i fundit 25 Prill 2025, 14:40
KOSOVË- Misioni i OSBE-së në Kosovë ka reaguar për mbylljen e disa institucioneve paralele të Serbisë në Komunën e Shtërpcës dhe në atë të Leposaviçit. OSBE në reagim thekson se mbyllja e institucioneve të tilla që ndikojnë shërbimet sociale pa dhënë alternativa tjera rrezikon të përkeqësojë tensionet.
OSBE thotë se çështjet e ndjeshme si këto duhet të trajtohen përmes dialogut të ndërmjetësuar nga BE, i cili mbetet rruga më efektive për zgjidhje të qëndrueshme dhe gjithëpërfshirëse.
“Misioni i ka parë mbylljet e fundit të objekteve të shërbimeve publike të drejtuara nga Beogradi që ndodhën më 23 prill në Štrpce/Shtërpcë dhe Leposavić/Leposaviç, të cilat gjithashtu ndikuan në funksionimin e Qendrës për Mirëqenie Sociale. Ndërprerja e qasjes në shërbimet esenciale pa alternativa të mundshme ndikon në mënyrë disproporcionale tek komunitetet joshumicë dhe rrezikon të përkeqësojë tensionet e vazhdueshme," thuhet në reagim.
Autoritetet e Kosovës kanë mbyllur më 23 prill zyrat e Fondit të Pensioneve dhe Invaliditetit (Fondi PIO), Shërbimin Kombëtar të Punësimit dhe Fondin Republikan për Sigurime Shëndetësore në Leposaviç, në veri të Kosovës, si dhe Ndërmarrjen Publike Komunale në Shtërpcë, komunë me shumicë serbe në jug të Kosovës.
Të gjitha këto institucione funksiononin sipas sistemit të Serbisë, të cilin Kosova e konsideron të paligjshëm dhe paralel. Institucionet sipas sistemit serb kanë funksionuar pas vitit 1999 në mjediset ku jetojnë serbët. Kosova i ka konsideruar ato të paligjshme, por megjithatë ato janë toleruar. Megjithatë, Qeveria e Kosovës, e udhëhequr nga Albin Kurti, ka filluar mbylljen e tyre që nga fillimi i vitit 2024.
