Ka nisur protesta e radhës qytetare në Bulevardin “Dëshmoret e Kombit”, ndërsa tubimi kundër qeverisë hyn sot në ...
BOTA
Pamje të rënda/ Makina 'merr para' këmbësorët
PiranjatPërditësimi i fundit 29 Mars 2026, 11:33
Një burrë është arrestuar nën dyshimin e tentativës për vrasje, pasi një makinë përplasi disa këmbësorë në një nga rrugët më të frekuentuara të qytetit Derby, në Angli.
Policia e Derbyshire njoftoi se shtatë persona përfunduan në spital të shtunën në mbrëmje, 28 mars, duke pësuar lëndime serioze. Raportohen edhe të lënduar të tjerë.
Kundër informacioneve që qarkulluan online, autoritetet sqaruan se nuk ka pasur viktima.
Ngjarja ndodhi rreth orës 21:30 në rrugën Friar Gate. Policia ndaloi pak më vonë një makinë të dyshuar për ngjarjen, një Suzuki Swift të zezë, dhe arrestoi shoferin, një burrë në të 30-at, me origjinë nga India.
Ai akuzohet për tentativë për vrasje, shkaktim të dëmtimeve të rënda përmes drejtimit të rrezikshëm të makinës, dhe shkaktim të dhunës me qëllim.
Të lënduarit u morën në kujdes nga ekipet e ambulancës dhe u dërguan në spitalin Royal Derby dhe Queen’s Medical Centre në Nottingham.
Policia siguroi qytetarët se nuk ka një rrezik të vazhdueshëm për publikun, por këshilloi të shmangin zonën, pasi një pjesë e Friar Gate do të mbetet e mbyllur për një kohë të konsiderueshme. Autoritetet kërkuan gjithashtu që çdo person që ka qenë dëshmitar i ngjarjes të kontaktojë menjëherë policinë.
