Efektivi Edison Adri kishte marrë plumb në nofull dhe siç raportohet i ka ikur edhe gjuha.
Mjeku i Traumës konfirmoi se efektivi do fut...
BOTA
Paraburgimi i Imamoglu një epokë e re për Turqinë/ Kryebashkiaku i Stambollit bën thirrje për protesta masive kundër vendimit të gjykatës
m.lPërditësimi i fundit 23 Mars 2025, 15:17
TURQI- Paraburgimi i Ekrem Imamoglu ishte vetëm fillimi, pasi Turqia po vlon dhe kryebashkiaku i Stambollit nuk duket i gatshëm të bëjë një hap prapa në luftën kundër Erdoganit. Përmes Twitter, ai sot u bëri thirrje turqve të marrin pjesë masivisht në demonstratat në të gjithë vendin kundër paraburgimit të tij në pritje të gjykimit për akuzat për korrupsion.
Paraburgimi i Imamoglu është fillimi i një epoke të re, jo domosdoshmërisht një më e mirë, për Turqinë. Të dhënat dhe lëvizjet nga ana e Tajip Erdogan që prej të mërkurës së kaluar nuk i lanë asgjë imagjinatës dhe asnjë vend për keqinterpretim.
Sevgili vatandaşlarım,
Türkiye bugün büyük bir ihanete uyandı.
Yürütülen yargı süreci bir adli işlem değildir. Tam bir yargısız infazdır.
Milletimizi sorumluluk duygusu içinde hak mücadelesine davet ediyorum. Bu hak mücadelesi milletimizin ve evlatlarımızın geleceği…
Ekrem Imamoglu është cilësuar zyrtarisht i përshtatshëm për paraburgim dhe tashmë ka përfunduar transferimi i tij në një burg në periferi të Stambollit. Aktakuza mbi bazën e së cilës u dërgua në burg mbështet vetëm çështjen e korrupsionit dhe sipas saj, kryetari i qytetit më të madh të Turqisë akuzohet se ka marrë më shumë se 15 miliardë euro në shumë mënyra, por kryesisht përmes kompanisë së tij të ndërtimit.
Megjithatë, një njoftim zyrtar në lidhje me akuzën e dytë dhe më të rëndë, atë të bashkëpunimit me organizatat terroriste, nuk është bërë dhe vetëm përmes rrjedhjeve nënkuptohet se nuk do të ndiqet asnjë ndjekje penale. Megjithatë, nuk është aspak një skenar i pamundur që kjo akuzë konkrete të mbahet në rezervë dhe të përdoret në një moment të përshtatshëm në të ardhmen e afërt.
Në kohën kur shpallja e paraburgimit të Imamoglu po bëhej e njohur gjerësisht, Partia Popullore Republikane njoftoi se zgjedhjet e sotme për përzgjedhjen e të zgjedhurit të CHP-së që do ta përfaqësojë atë në zgjedhjet presidenciale të 2028-ës do të mbaheshin normalisht dhe me të njëjtin kandidat të vetëm, Ekrem Imamoglu.
