Mariglen Lalës që iu vendos tritol mëngjesin e sotëm rezulton person me precedente kriminale, i akuzuar dhe burgosur për grabitje.
A...
BOTA
Pentagoni: Kostoja e luftës me Iranin arrin në 29 miliardë dollarë!
PiranjatPërditësimi i fundit 13 Maj 2026, 08:25
Pentagoni ka deklaruar se kostoja e konfliktit me Iranin ka arritur në 29 miliardë dollarë, një shumë më e lartë se vlerësimi prej 25 miliardë dollarësh që ishte paraqitur në Kongres vetëm dy javë më parë.
Sipas një zyrtari të lartë të Departamentit amerikan të Mbrojtjes, shifra e re përfshin kostot e përditësuara për riparimin dhe zëvendësimin e pajisjeve ushtarake, si edhe shpenzimet operacionale të lidhura me konfliktin në Lindjen e Mesme.
Më herët, CNN raportoi se vlerësimi fillestar prej 25 miliardë dollarësh ishte nënvlerësuar, pasi nuk përfshinte dëmet dhe kostot e riparimit të bazave amerikane në rajon.
Megjithatë, ekspertja e politikave publike në Shkollën Kennedy të Harvardit, Linda Bilmes, paralajmëron se kostoja reale për taksapaguesit amerikanë mund të arrijë të paktën në 1 trilion dollarë.
Në një analizë të publikuar në muajin prill, Bilmes ndau kostot e luftës në dy kategori: afatshkurtra dhe afatmesme-afatgjata.
Sipas saj, kostot afatshkurtra përfshijnë municionet ushtarake si raketat, bombat dhe sistemet e mbrojtjes ajrore, mirëmbajtjen e grupeve të aeroplanmbajtëseve, mbështetjen për personelin ushtarak dhe humbjet në pajisje, përfshirë avionët luftarakë dhe dronët.
Ajo thekson se zëvendësimi i armëve moderne është shumë më i kushtueshëm se vlera e tyre fillestare. Për shembull, një raketë Tomahawk që vlerësohej rreth 2 milionë dollarë, sot mund të kushtojë deri në 3.5 milionë dollarë për t’u zëvendësuar.
Ndërkohë, kostot afatmesme dhe afatgjata përfshijnë rindërtimin e infrastrukturës ushtarake gjatë 4-5 viteve të ardhshme, furnizimin me sisteme më të avancuara armësh dhe kujdesin shëndetësor për rreth 55 mijë ushtarë amerikanë të vendosur në rajon.
