Mariglen Lalës që iu vendos tritol mëngjesin e sotëm rezulton person me precedente kriminale, i akuzuar dhe burgosur për grabitje.
A...
POLITIKE
Berisha rikthehet sot nga SHBA/ Demokratët organizohen për ta pritur në Rinas
PiranjatPërditësimi i fundit 12 Shtator 2026, 12:59
Kryetari i Partisë Demokratike, Sali Berisha, rikthehet sot në Shqipëri pas vizitës së tij në Shtetet e Bashkuara të Amerikës, ku zhvilloi takime me personalitete të politikës amerikane.
Përmes një mesazhi, Partia Demokratike u ka bërë thirrje mbështetësve të saj që të mblidhen në Rinas për t’i rezervuar Berishës një pritje madhështore. “Le t’i rezervojmë Doktor Berishës një pritje madhështore, ashtu siç e meriton ky rikthim!”, thuhet në thirrjen e demokratëve.
PD e cilëson rikthimin e Berishës si një moment të rëndësishëm në rrugën drejt asaj që e quan fitoren e afërt, duke bërë apel për bashkim dhe mobilizim të demokratëve. “Me forcën, bashkimin dhe shpirtin e demokratëve!”, përfundon mesazhi i Partisë Demokratike.
Mesazhi:
Sot rikthehet në Shqipëri Kryetari i Partisë Demokratike, Prof. Dr. Sali Berisha, pas një vizite historike në SHBA, me plot takime me personalitete të rëndësishme të politikës amerikane.
Le t’i rezervojmë Doktor Berishës një pritje madhështore, ashtu siç e meriton ky rikthim!
Të gjithë bashkë në Rinas! Sot hedhim një hap të rëndësishëm drejt fitores që po afron! Me forcën, bashkimin dhe shpirtin e demokratëve!
