Kryetari i PD-së, Sali Berisha i bëri thirrje maxhorancës të anulojë një anti-miting të paralajmëruar për ta mbaj...
BOTA
Përdori AI për të krijuar imazhe të abuzimit të fëmijëve, 27-vjeçari dënohet me 18 vite burg në SHBA
E.DPërditësimi i fundit 28 Tetor 2024, 21:14
SHBA- Një burrë që përdori AI për të krijuar imazhe të abuzimit të fëmijëve, duke përdorur fotografi të fëmijëve të vërtetë është dënuar me 18 vjet burg. Hugh Nelson, 27 vjeç, nga Bolton, u dënua për 16 vepra penale të abuzimit seksual të fëmijëve në gusht, pas një hetimi nga policia e Mançesterit të Madh (GMP).
Nelson kishte përdorur Daz 3D, një program kompjuterik me një funksion AI, për të transformuar imazhet "normale" të fëmijëve në imazhe të abuzimit seksual, tha policia e Mançesterit të Madh. Në disa raste, pedofilët i kishin porositur imazhet, duke ofruar fotografi të fëmijëve, me të cilët kishin kontakte në jetën reale. Ai u shpall gjithashtu fajtor për inkurajimin e autorëve të tjerë për të kryer përdhunime.
Ai shiste imazhet e tij në dhomat e bisedave në internet, ku diskutoi gjithashtu abuzimin seksual të fëmijëve me shkelës të tjerë, duke fituar rreth 5000 £ gjatë një periudhe 18-mujore, si dhe duke i shitur imazhet në internet. Ndërsa ka pasur dënime të mëparshme për "deepfakes", të cilat zakonisht përfshijnë një fytyrë që transferohet në një trup tjetër, Nelson krijoi "personazhe" 3D nga fotografi të pafajshme.
Duke e dënuar Nelson në gjykatën e kurorës në Bolton të hënën, gjykatësi Martin Walsh tha se ishte e pamundur të dihej, nëse fëmijët ishin përdhunuar si rezultat i imazheve të tij. Ëalsh tha se Nelson nuk kishte parasysh dëmin e shkaktuar nga shpërndarja e materialit pikëllues dhe të sëmurë. Kërkimet e policisë në pajisjet e tij zbuluan gjithashtu se Nelson kishte shkëmbyer mesazhe me tre individë të veçantë, duke inkurajuar përdhunimin e fëmijëve nën 13 vjeç.
Gjatë hetimit, oficerët identifikuan të dyshuar dhe viktima në mbarë botën, përfshirë në Itali, Francë dhe SHBA. Nelson më vonë u shpall fajtor për inkurajimin e përdhunimit të një fëmije nën 13 vjeç, përpjekjen për të nxitur një djalë nën 16 vjeç për t'u përfshirë në një akt seksual, për shpërndarjen dhe bërjen e imazheve të pahijshme dhe posedimin e imazheve të ndaluara. Nelson u shfaq në bankën e të akuzuarve i veshur me një jelek dhe kravatë. Ai u bëri dorë prindërve të tij në galerinë publike ndërsa doli në gjykatë, por ndenji me kokën ulur në pjesën më të madhe të seancës.
