Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
BOTA
Përfundon raundi i parë i bisedimeve SHBA-Iran/ Dy delegacionet bien dakord të takohen sërish javën e ardhshme
e. dPërditësimi i fundit 12 Prill 2025, 17:45
SHBA- Raundi i parë i bisedimeve midis Iranit dhe SHBA-së në Oman ka përfunduar dhe të dy delegacionet janë dakorduar të takohen sërish javën e ardhshme. Siç raportohet të dy palët kanë shkëmbyer qëndrimet e tyre mbi programin bërthamor të Iranit dhe mundësinë e heqjes së sanksioneve ndaj Republikës Islamike përmes ministrit të Jashtëm të Omanit.
“Pas më shumë se dy orë e gjysmë negociatash indirekte, krerët e delegacioneve iraniane dhe amerikane folën për disa minuta në praninë e ministrit të Jashtëm të Omanit gjatë largimit nga bisedimet”, thuhet në një deklaratë.
Gjithashtu bisedimet e sotme me rëndësi të lartë kanë për qëllim arritjen e një marrëveshjeje të re të mundshme bërthamore midis dy vendeve dhe uljen e tensioneve në rajon.
Bisedimet u zhvilluan pas kërcënimit të presidentit amerikan, Donald Trump për sulme ushtarake nëse Irani nuk pranon një marrëveshje dhe paralajmërimit të Teheranit se çdo sulm do ta fuste SHBA-në në një konflikt më të gjerë në Lindjen e Mesme.
Trump i ka dhënë Teheranit një afat prej dy muajsh për të pranuar një marrëveshje që do ta çonte Iranin drejt reduktimit të kapaciteteve bërthamore ose eliminimit të plotë të programit të tij.
