Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
BOTA
Përleshje e dhunshme mes forcave qeveritare dhe besnikëve të Assadit në Siri, mbi 70 persona të vrarë
E.DPërditësimi i fundit 7 Mars 2025, 13:16
SIRI- Forcat e lidhura me sundimtarët e rinj të Sirisë janë përfshirë në luftime të ashpra me luftëtarët besnikë të presidentit të rrëzuar, Bashar al-Assad, në një zonë bregdetare të vendit. Kjo është përplasja më e rëndë në Siri që nga dhjetori, kur rebelët rrëzuan Assadin dhe vendosën një qeveri kalimtare islamike. Një grup monitorues i luftës, Observatori Sirian për të Drejtat e Njeriut me bazë në Britani, tha se më shumë se 70 persona janë vrarë.
BBC shkruan se përplasjet filluan kur forcat qeveritare ranë në pritë gjatë një operacioni të sigurisë në Latakia. Forca shtesë janë dërguar, dhe video të postuara online tregojnë të shtëna me armë në disa zona. Rajoni bregdetar është zemra e pakicës Alawite dhe një bastion i familjes Assad, e cila i përket këtij sekti. Ndërsa Observatori Sirian për të Drejtat e Njeriut tha të premten se 71 persona ishin vrarë, përfshirë 35 anëtarë të forcave qeveritare, 32 luftëtarë të lidhur me ushtrinë e regjimit të mëparshëm dhe katër civilë.
Përplasjet lanë dhjetëra të tjerë të plagosur, tha grupi për të drejtat e njeriut. Luftëtarë të armatosur, disa prej regjimit të mëparshëm, u kishin zënë pritë forcave ushtarake, pikave të kontrollit dhe selive përgjatë vijës bregdetare, sipas organizatës. Luftëtarë vendas morën nën kontroll zona ushtarake dhe u strehuan në zonat malore të Latakias për të nisur sulme, ndërsa të tjerë u fshehën në qytetin Jableh. Anëtarë të ushtrisë së regjimit të mëparshëm janë vendosur në disa qytete dhe fshatra bregdetare, ndërsa forcat ushtarake janë zënë në pritë në autostrada.
Vonë të enjten, agjencia e lajmeve Step, me bazë në Siri, raportoi se forcat e lidhura me qeverinë kishin vrarë “rreth 70” luftëtarë të regjimit të mëparshëm, ndërsa më shumë se 25 të tjerë u kapën në Jableh dhe zonat përreth. Gjithashtu BBC raporton edhe për përplasje në qytetet Homs dhe Alepo. Të shtëna armësh në rrugët rezidenciale të Homsit mund të dëgjoheshin në video. Një zëdhënës i Ministrisë së Mbrojtjes së Sirisë, kolonel Hassan Abdul Ghani, i dërgoi një paralajmërim besnikëve të Assaddit që po luftojnë në Latakia përmes medias shtetërore.
“Mijëra kanë zgjedhur të dorëzojnë armët dhe të kthehen pranë familjeve të tyre, ndërsa disa këmbëngulin të arratisen dhe të vdesin duke mbrojtur vrasës dhe kriminelë. Zgjedhja është e qartë: dorëzoni armët ose përballuni me fatin tuaj të pashmangshëm,” tha ai.
Rajoni është bërë një sfidë e madhe sigurie për presidentin e përkohshëm Ahmed al-Sharaa. Aktivistët Alawitë thanë se komuniteti i tyre është përballur me dhunë dhe sulme që nga rrëzimi i Assaddit, veçanërisht në zonat rurale të Homsit dhe Latakias. Ai gjithashtu po përballet me rezistencë në jug, ku ka pasur përplasje me forcat Druze ditët e fundit.
Më herët këtë javë, ministri i Jashtëm i Sirisë i tha organizatës ndërkombëtare për mbikëqyrjen e armëve kimike se qeveria e re ishte e përkushtuar për të shkatërruar çdo stok të mbetur të prodhuar gjatë regjimit të Assaddit. Qeveria e Assaddit mohoi ndonjëherë përdorimin e armëve kimike gjatë luftës civile 14-vjeçare, por aktivistët e akuzuan atë për dhjetëra sulme kimike.
