Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Përplasjet e familjes mbretërore në Britani sërish në vëmendje/ Mbreti Charles i zemëruar me Princ Harry, pasi ai doli kundër vendimit për heqjen e sigurisë
r.llPërditësimi i fundit 3 Maj 2025, 17:06
charles dhe harry
BRITANI- I zhgënjyer nga reagimi i Princit Harry, i cili e përshkroi vendimin për të hequr rojet e tij si të pamatur, Mbreti Charles thuhet se është i zemëruar me të birin.
Princi Harry tha në një intervistë se dëshiron të pajtohet me familjen e tij dhe deklaroi se Mbreti Charles nuk po flet me të për shkak të çështjes së sigurisë. Ai gjithashtu kundërshtoi vendimin e gjykatës për t'i dhënë fund sigurisë së tij. Megjithatë, ai tha se nuk donte ta “luftonte” më këtë çështje, duke qenë se nuk e di sa jetë i ka mbetur babait të tij. Një burim pohoi se Charles ishte i frustruar dhe i mërzitur me të birin, dhe me barrën që ai u kishteimponuar taksapaguesve , siç raportohet nga mediat e huaja.
Pak minuta para transmetimit të intervistës së Dukës së Sussexit, burime pranë mbretit kishin folur për "zhgënjimin" e Charlesit se mbështetësit e Harry-t po nënkuptonin se "babai i tij nuk interesohet për familjen e tij (të Harry-t)". Disa minuta më vonë, ata morën përgjigjen, ndërsa Harry reagoi kundër vendimit që siguria të paguhej nga paratë e qeverisë.
Miqtë e mbretit kishin sugjeruar idenë e pajtimit përpara se intervista të transmetohej. Megjithatë, ata thanë se sulmet e Harry-t në vitet e fundit dhe polemikat rreth çështjes së sigurisë kishin prishur marrëdhënien e tyre:
“Mbreti gjithmonë e ka konsideruar se kjo ishte një çështje që duhet ta zgjidhin qeveria dhe gjykatat e tij dhe se çdo ndërhyrje nga ana e tij do të ishte kushtetutërisht e papërshtatshme. Ajo që e ka zhgënjyer dhe mërzitur atë në një nivel personal është dështimi i Dukës për të respektuar këtë parim dhe fakti që mbështetësit e tij nënkuptojnë se babai i tij nuk interesohet për familjen e tij ose se ai duhet të ndërhyjë, të tregojë me gisht dhe të kërkojë një formë mbrojtjeje që ekspertët kryesorë të mbrojtjes mund ta konsiderojnë ose jo të nevojshme në një vizitë të caktuar.”
Në intervistën e tij, Princi Harry akuzoi shërbimet e Pallatit se kishin ndikuar në gjykatën që mori vendimin për të hequri përfundimisht sigurimin e tij në Britani. Ai shtoi gjithashtu se nuk mund ta imagjinojë më se në çfarë rrethanash mund t’i sillte gruan dhe fëmijët e tij në Britani.
"Jam i shkatërruar - jo aq shumë sepse humba, por për njerëzit që qëndrojnë pas vendimit, të cilët mendojnë se kjo është në rregull. A e shohin ata si fitoren e tyre? "Jam i sigurt se ka disa njerëz atje, ndoshta njerëz që më dëshirojnë të keqen, që e konsiderojnë këtë një fitore të madhe", shtoi ai.
I pyetur nëse i kishte kërkuar mbretit të ndërhynte në mosmarrëveshjen për sigurinë, Harry tha: "Unë kurrë nuk i kërkova të ndërhynte - i kërkova të tërhiqej dhe t'i linte ekspertët të bënin punën e tyre".
"E dua vendin tim, gjithmonë e kam dashur, pavarësisht asaj që disa njerëz i kanë bërë këtij vendi... dhe mendoj se është vërtet e trishtueshme që nuk do të jem në gjendje t'u tregoj fëmijëve të mi atdheun tim", tha ai.
Harry nisi një sulm si ndaj komitetit Ravec ashtu edhe ndaj medias që përndoqën nënën e tij dhe sipas tij bënë fushatë për të hequr sigurinë. Në deklaratën e tij, Princi Harry sulmoi Ravec për moskryerjen e një vlerësimi vjetor të rrezikut. Ai gjithashtu thekson se do t'i dërgojë një letër Ministres së Brendshme për t'i kërkuar asaj që ta shqyrtojë urgjentisht çështjen dhe të rishikojë procedurën e Ravec.
“Ky proces ka qenë dhe ka qenë gjithmonë vetëm për sigurinë time dhe të familjes sime kur jemi në Mbretërinë e Bashkuar, në mënyrë që të mund ta vizitojmë atdheun tim në mënyrë të sigurt me të njëjtin nivel sigurie që qeveritë e tjera e konsiderojnë të nevojshme për të na mbrojtur”, thotë ai, duke shtuar se veprimi ligjor ishte një vendim i fundit, por që zbuloi të vërteta tronditëse. Princi madje e akuzoi Ravecin për pakujdesi. Mungesa e vlerësimit të rrezikut ishte shpërdorim detyre, thotë ai, duke shtuar se jeta e tij u vu në rrezik me vetëdije.
