Një aksident rrugor është regjistruar paraditen e kësaj të enjte (4 qershor 2026) në Tiranë, pranë Fabrikës s&eum...
BOTA
Policia e Kosovës arreston në veri bashkëpunëtorin e Aleksandër Vulin, dyshohet për vjedhje të identitetit
E.DPërditësimi i fundit 30 Maj 2024, 21:16
foto ilustruese
KOSOVË- Policia e Kosovës ka arrestuar ditën e djeshme në Leposaviç një person nën dyshimin për vjedhje të identitetit. Bëhet fjalë për Marko Knezheviç, njeriun e afërt të ish-shefit të Shërbimit Sekret të Serbisë, Aleksandër Vulin, aktualisht zëvendëskryeministër i Serbisë. Knezheviç u arrestua mbrëmjen e së mërkurës dhe është në ndalim policor prej 48 orësh.
“Ky person ka dy identitete një për dokumente serbe dhe tjetri për dokumente të Kosovë. Dyshohet se i ka marrë të dhënat dikujt, por do të shohim, rasti është në hetim dhe nëse nuk është kështu do të ndryshojë kualifikimi i veprës penale”, tha zv.drejtor i Policisë në veri, Veton Elshani.
Në të njëjtën kohë, policia ka bastisur edhe shtëpinë e të dyshuarit në pjesën veriore të Mitrovicës, ku ka gjetur dhe ka sekuestruar materiale dëshmuese. Knezheviç për një kohë ka punuar si gazetar për rrjetin “Most” si gazetar, ndërsa punoi si përgjegjës për marrëdhëniet me mediat në kohën kur Vulin ishte drejtor i të ashtuquajturës Zyrë për Kosovën. Megjithatë, për shkak të aktivitetit të Vulin dyshohet se Knezheviç nuk është i vetmi bashkëpunëtor i tij në Kosovë.
“Lajm i mirë është që është arrestuar një prej bashkëpunëtorëve të zëvendëskryeministrit të Serbisë, famëkeqit, Vulin, i njëjti ka punuar gjatë me strukturat kriminale në pjesën veriore dhe besoj që ka edhe shumë të tjerë të cilët organet e rendit pas këtij arrestimi do t’i identifikojnë dhe ata që mund t’i arrestojnë, t’i arrestojnë. Patjetër se ata në vazhdimësi do të insistojnë në destabilizimin e pjesës veriore të vendit, sepse kanë qëllim specifike për pjesën veriore, por organet e rendit në bashkëpunim me partnerët ndërkombëtarë besoj se do parandalojnë ato përpjekje”, u shpreh ish-zv.ministër i Brendshëm Selam Shkodra.
