Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
BOTA
Polonia vijon mbështetjen për Kievin, zotohet të paguajë për municionet e Ukrainës
E.DPërditësimi i fundit 16 Shtator 2024, 18:06
POLONI- Ministri i Jashtëm Radoslaw Sikorski ka thënë se Polonia do të përmbushë premtimin e saj për të ndihmuar në financimin e një nisme çeke për të blerë municion për Ukrainën nga jashtë BE-së. Diplomati polak po i përgjigjej raporteve se Varshava ishte i vetmi vend midis mbështetësve të Kievit që ende nuk kishte kontribuar në skemë, pavarësisht se ishte zotuar ta bënte këtë në fillim të këtij viti.
Sipas gazetës polake Wyborcza, që nga gushti i këtij viti, mbi 12 vende kishin siguruar fonde për të blerë më shumë se gjysmë milioni predha artilerie, me burim nga prodhues jashtë Bashkimit Evropian, me Gjermaninë që siguron pjesën më të madhe. Sikorski pranoi se Varshava nuk ka bërë ende ndonjë pagesë ndaj skemës, duke përmendur pengesa të përkohshme.
“Ne kemi marrë një vendim politik për të ndarë 50 milionë euro këtë vit dhe 50 milionë euro të tjera vitin e ardhshëm. Por ka disa çështje teknike, administrative dhe ligjore që lidhen me agjencinë shtetërore për rezervat strategjike”, tha ministri i Jashtëm.
Ai vuri në dukje se Ministria e Jashtme e ka bërë tashmë pjesën e saj dhe tani shpreson që kolegët e ministrive të tjera do të bëjnë gjithçka, duke u zotuar Patjetër që do të bëhet.
