Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
BOTA
Presidenti Vuçiç: Serbia do të prezantojë mijëra robotë të armatosur në paradën e ardhshme ushtarake, do të na ndihmojë Kina
PiranjatPërditësimi i fundit 2 Shkurt 2026, 21:28
Presidenti Aleksandar Vuçiç ka njoftuar ditën e sotme se Serbia do të prezantojë mijëra robotë të armatosur në paradën e ardhshme ushtarake, pasi prodhimi i tyre do të fillojë këtë vit. Mediat e huaja shkruajnë se ai do të kërkojë mbështetje për këtë nga Kina dhe presidenti Xi Jinping.
"Më bëri përshtypje një detaj në prezantimin e robotëve të bërë nga kompania AGIBOT, sapo thanë se kanë edhe më të mëdhenj që mund të mbajnë 100 kilogramë secili, pasi këta mund të mbajnë 10, 20, 30 kilogramë, që do të thotë se mund të mbajnë kamera,
mund të bëjnë atë që bëjnë tashmë në Kinë: kontrolli kufitar, i keni me rrota në rrugë, i keni pa rrota që të kërcejnë, të bëjnë të gjitha llojet e gjërave, dhe ju gjithashtu mund t'i armatoseni. Pra, gjatë paradës sonë të ardhshme ushtarake, ne do të kemi mijëra robotë, të armatosur, në mënyrë që të mund të ofrojmë siguri shtesë për vendin tonë", tha Vuçiç.
Sipas presidentit serb, robotët janë të përshtatshëm, pasi ata mund të mbajnë deri në 30 kilogramë peshë. Vuçiç tha se robotët mund ti paisësh me kamera, mund të bëjnë patrullime në pikat kufitare dhe gjithashtu mund ti armatosësh.
Ai tha se Serbia mund të bëhet vendi i parë në Europë që prodhon robotë humanoid në ushtri. Lëvizjet për forcimin e ushtrisë dhe rekrutimin e ushtarëve të rinjë, përsfhirë shërbimin e detyrueshëm ushtarak, janë të fokus të presidencës Vuçiç. Ndërsa ai po intensifikon edhe marrëdhëniet me Kinën.
