Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
BOTA
Protestë në Beograd për aksidentin në Novi Sad, protestuesit lyejnë godinat me ngjyrë të kuqe: Lini shenja kudo, se ata kanë gjak në duar!
n.fPërditësimi i fundit 3 Nëntor 2024, 17:04
Serbi
BEOGRAD- Një numër i madh njerëzish u mblodhën në sheshin Sava në Beograd në protestë. Më pas ata u drejtuan drejt Ministrisë serbe të Ndërtimit, në shenjë proteste për aksidentin në Novi Sad. Para Ministrisë së Ndërtimit, ata i treguan policëve duart e tyre të lyera me ngjyrë të kuqe.
Sipas mediave serbe, në një çast, turma filloi të bërtiste “ruani vrasësit”. Ata mbanin parullat “Krim, jo tragjedi”, “Dorëheqje”, “Nëse kërkoni përgjegjësit, shikoni në pasqyrë”. Bëhet e ditur se protesta vazhdoi para ndërtesës së qeverisë së Serbisë, ku aktivistët njoftuan se Ministri serb i Transportit, Goran Vesiç ka afat deri të martën për të dhënë dorëheqje.
Ata thanë se sot protesta po mbahet në Beograd, sepse Novi Sadi është në zi, por se nga e marta do të vendoset nga Novi Sadi se në pjesë të tjera të Serbisë. Në trotuarin para godinës së Qeverisë dhe në godinën e Gjykatës së Apelit, janë lënë shenja të kuqe dhe mesazhi “mbroj vrasësit”. Aktivisti Nikolla Ristiç theksoi se do të ketë radikalizim të protestave, nëse nuk përmbushet kërkesa e parë e tyre, përkatësisht që Goran Vesiç të japë dorëheqje.
