Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
BOTA
"Putin po kërkon mënyra për të vazhduar luftën"/ Zelenskyy: Kemi informacione se shumë qytetarë kinezë janë në mesin e forcave ruse që luftojnë kundër Ukrainës
E.DPërditësimi i fundit 8 Prill 2025, 16:07
UKRAINË- Presidenti ukrainas Volodymyr Zelenskyy ka bërë të ditur se Ukraina ka informacione se ka shumë qytetarë kinezë në mesin e forcave ruse. Përmes një postimi në aplikacionin e mesazheve Telegram, Volodymyr Zelenskyy tha se përfshirja e Kinës nga Rusia në këtë luftë në Evropë, në mënyrë të drejtpërdrejtë ose të tërthortë është një sinjal i qartë se Putini do të bëjë gjithçka përveçse t’i japë fund luftës. Zelenskyy tha më tej se Putin po kërkon mënyra për të vazhduar luftën dhe ko kërkon patjetër një reagimm madje një reagim nga Shtetet e Bashkuara, Evropa dhe të gjithë në botë që duan paqe.
“Ushtria jonë kapi dy shtetas kinezë që luftuan në ushtrinë ruse. Kjo ndodhi në territorin e Ukrainës, në rajonin e Donetsk. Ne kemi dokumentet e këtyre të burgosurve, karta bankare dhe të dhëna personale. Kemi informacione se në repartet e pushtuesit ka shumë më tepër shtetas kinezë sesa vetëm dy.
Tani po i zbulojmë të gjitha faktet. Inteligjenca, Shërbimi i Sigurisë dhe njësitë përkatëse të Forcave të Armatosura po punojnë. Unë kam udhëzuar ministrin e Punëve të Jashtme të Ukrainës që të kontaktojë menjëherë Pekinin dhe të zbulojë se si Kina do t’i përgjigjet kësaj. Përfshirja e Kinës nga Rusia në këtë luftë në Evropë, në mënyrë të drejtpërdrejtë ose të tërthortë, është një sinjal i qartë se Putini do të bëjë gjithçka përveçse t’i japë fund luftës.
Ai po kërkon mënyra për të vazhduar luftën. Kjo kërkon patjetër një reagim. Një reagim nga Shtetet e Bashkuara, Evropa dhe të gjithë në botë që duan paqe. Shtetasit kinezë të kapur janë në paraburgim të Shërbimit të Sigurimit të Ukrainës. Po vijojnë veprimet përkatëse hetimore dhe operative”, tha Zelensky.
