Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
BOTA
Reagim i ashpër nga Izraeli për njohjen e shtetit të Palestinës: Shpërblim për vrasësit e Hamasit!
PiranjatPërditësimi i fundit 21 Shtator 2025, 16:56
Izraeli ka reaguar ashpër ndaj njohjes së shtetësisë palestineze nga Mbretëria e Bashkuar, Kanadaja dhe Australia.
Ministri izraelit i Sigurisë, Itamar Ben Gvir, ka kritikuar këtë hap, duke e cilësuar si një “shpërblim për vrasësit” e Hamasit, dhe ka njoftuar se do të paraqesë një propozim në mbledhjen e ardhshme të kabinetit për të shpallur sovranitetin izraelit mbi Bregun Perëndimor.
Ai ka theksuar se njohja e shtetësisë palestineze nga këto shtete është një akt që nuk do të mbetet pa përgjigje. Ai ka bërë të ditur se në mbledhjen e ardhshme të kabinetit, ai do të propozojë një plan për “zbatimin e menjëhershëm të sovranitetit izraelit” edhe mbi territoret e Bregut Perëndimor.
Teksa kolegu i tij, ministri i Kulturës dhe Sporteve, Miki Zohar, i ka bërë jehonë të njëjtës linjë qëndrimi, duke thënë se “përgjigjja e vetme ndaj kësaj njohjeje të njëanshme duhet të jetë zbatimi i sovranitetit izraelit në Jude, Samari dhe Luginën e Jordanit”.
Ky reagim erdhi pas një vendimi të pakontestuar të Mbretërisë së Bashkuar, Kanadasë dhe Australisë për të njohur shtetësinë palestineze, një hap që ka shkaktuar tensione të mëdha në politikën ndërkombëtare dhe në marrëdhëniet mes Izraelit dhe këtyre shteteve.
