Detaje të reja janë zbardhur nga ngjarja e rëndë në Maliq. Mësohet se në momentin e arrestimit, autori Violand Braçe...
BOTA
Rregullorja e re për sigurimin e mjeteve të detyrueshme, Braçe në Komisionin e Ekonomisë: Qytetarët po përballen me rritje çmimesh duhen shpjegime
M.B.Përditësimi i fundit 21 Janar 2025, 11:48
TIRANA- Komisioni i Ekonomisë dhe Financave ka thirrur sot në seancë dëgjimore Autoritetin e Mbikëqyrjes Financiare për të diskutuar mbi rregulloren e re për sigurimin e mjeteve të detyrueshme. Mësohet se kjo kërkesë vjen për shkak të rritjes së çmimeve të sigurimit të makinave pasi merren në konsideratë disa faktorë risku. Deputeti socialist Erion Braçe ngriti si shqetësim në Komision se qytetarët po përballen me një rritje çmimesh në tregun e sigurimit të makinave, e cila është e paqartë.
Pjesë nga diskutimi në Komision:
Braçe: Ka një shqetësim shumë të madh nga qytetarët që po përballen me rritje të çmimeve. Shoqatat nuk japin shpjegime të qarta se çfarë po ndodh në treg. Situata mbetet e paqartë dhe e ka sjellë vetë rregullorja e miratuar nga AMF që jep parime, dhe në aneksin e saj ajo e përmbys rregulloren. Shqetësimi është i madh sidomos tek mjetet e punës që janë në vështirësi të madhe, janë mjete të vjetra dhe me fuqi më të madhe se mjetet e tjera, dhe çmimi ju është rritur mbi logjikën. Duhet patjetër një seancë dëgjimore për të kuptuar se çfarë po ndodh.
Shalsi: Plotësisht dakord sa më shpejt të jetë e mundur, dhe nëse është e nevojshme të thërrasim edhe grupet e interesit.
Braçe: Para se të vijnë në seancë të na sjellin krahasimet për çmimet e sigurimeve, si ishin para rregullores dhe si janë tani.
