“
Janë aktualisht 7 efektivë të pezulluar nga vetë Policia e Shtetit, të cilët i janë shtruar hetimit nga Agjencia e...
BOTA
Rusia feston fitoren në Bakhmut, Kievi pretendon se luftimet vazhdojnë
PiranjatPërditësimi i fundit 21 Maj 2023, 13:00
Rusia shpalli fitoren në Bahmut, një qytet që në lindje të Ukrainës i cilësuar kyç për ecurinë luftës, ndonesë zyrtarët ukrainas pretendojnë se beteja vijon. Presidenti ukrainas Volodymyr Zelensky, nga Japonia ku u takua me liderët e G 7 tha se pak ka mbetur nga Bakhmuti dhe se qyteti është shkatërruar pothuajse plotësisht.
I pyetur nëse Bahmuti ishte nën kontrollin e Ukrainës, Zelensky nuk ishte plotësisht i qartë, por tha: “Mendoj që jo”, gjë që u interpretua si konfirmim i humbjes.
“Sot, Bahmuti është vetëm në zemrat tona”, tha Zelensky.
Më vonë zyra e presidentit ukrainas më vonë sqaroi se Zelensky nuk deklaroi se qyteti kishte “rënë”.
Zëdhënësi i presidentit ukrainas, it ha CNN se përgjigja e Zelenskyt, “mendoj që jo”, i referohej pretendimeve ruse se ata kishin pushtuar qytetin.
“Presidenti mohoi që Bahmut ishte marrë”, tha AI.
Deklarata e presidentit ukrainas erdhi vetëm disa orë pasi Ministria ruse e Mbrojtjes njoftoi se forcat e ushtrisë private Ëagner, të mbështetura nga trupat ruse, kishin marrë Bakhmutin.
Themeluesi i Ëagner-it, Yevgeny Prigozhin, më herët publikoi një video duke pretenduar se forcat e tij kontrollonin të gjithë qytetin, megjithëse qeveria ukrainase e mohoi shpejt këtë.
Presidenti rus Vladimir Putin ka uruar ushtarët “për pushtimin e qytetit”, me mesazhin se më të merituarit do të shpërblehen, njoftuan agjencitë ruse të lajmeve.
Këto pretendimet vijnë pasi Ukraina thuhet se realizoi përparim të prekshëm në fushën e betejës, në rrethet në veri dhe në jug të Bakhmutit.
Në anën tjetër prej kohësh thuhej se Ukraina po përgatitet për një kundërofensivë, e cila pritet në një ose më shumë lokacione përgjatë vijës së betejës, e cila është e gjatë më shumë se 1.000 kilometra.
Zyrtarët perëndimorë vlerësojnë se numri i ushtarëve rus të vrarë dhe të plagosur në Bakhmut , sillet ndërmjet 20.000 dhe 30.000, ndërsa edhe ushtria ukrainase gjithashtu ka pësuar humbje të mëdha.
Beteja për Bahmutin është më e gjata që prej nisjes së pushtimit Rus në Ukrainë në Shkurt të vitit 2022.
