Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Rusia sulmon sistemin energjetik të Ukrainës në një sulm të madh raketor në ditën e Krishtlindjes, reagon Zelensky: Ç'njerëzore, e keqja ruse nuk do ta thyejë vendin
ZH.LLPërditësimi i fundit 25 Dhjetor 2024, 09:12
Zelensky
UKRAINË- Rusia sulmoi sistemin energjetik të Ukrainës dhe qytetet në rajonin e saj lindor me raketa lundrimi dhe balistike të mërkurën në mëngjes, thanë zyrtarët lokalë të cilët raportuan një sulm masiv për Krishtlindje.
Të paktën gjashtë persona u plagosën në një sulm me raketa në Kharkiv në verilindje të Ukrainës të mërkurën në mëngjes, tha guvernatori rajonal Oleh Syniehubov.
Presidenti ukrainas Volodymyr Zelensky i është përgjigjur sulmit të Rusisë në ditën e Krishtlindjes:
"Çdo sulm masiv rus kërkon kohë për t'u përgatitur. Nuk është kurrë një vendim spontan. Është një zgjedhje e ndërgjegjshme jo vetëm e objektivave, por edhe e kohës dhe datës. Sot, Putin zgjodhi qëllimisht Krishtlindjet për një sulm. Çfarë mund të jetë më çnjerëzore? Më shumë se 70 raketa, përfshirë ato balistike, dhe më shumë se njëqind dronë sulmues. Objektivat janë sektori ynë i energjisë. Ata vazhdojnë të luftojnë për ndërprerjen e energjisë elektrike në Ukrainë. Sipas të dhënave paraprake, mbrojtësit tanë arritën të rrëzojnë më shumë se 50 raketa dhe një pjesë të konsiderueshme të dronëve. Fatkeqësisht, ka goditje. Deri më tani, ka ndërprerje në disa rajone. Punonjësit e Energjisë po punojnë për të rikthyer sa më shpejt furnizimin me energji elektrike. Faleminderit të gjithëve që aktualisht po punojnë për vendin, që janë në detyrë luftarake, që po mbron qiellin tonë. Le të rivendosim maksimumin. E keqja ruse nuk do ta thyejë Ukrainën dhe nuk do të shtrembërojë Krishtlindjet”.
Ukraina përballet me dimrin e saj më të ashpër të luftës pothuajse trevjeçare, ndërsa Moska shton bombardimet e saj ajrore dhe trupat e saj përparojnë në vijat e frontit në lindje.
Të mërkurën në mëngjes, guvernatori i rajonit Kherson raportoi se një person ishte vrarë tre të tjerë të plagosur gjatë 24 orëve të fundit.
Në rajonin e Dnipropetrovsk, ku temperaturat e dimrit kanë lëvizur rreth pikës së ngrirjes, guvernatori tha se Rusia po synonte rrjetin elektrik.
