Është hequr gardhi metalik që ishte vendosur para Kuvendit të Shqipërisë si barrikadë për të penguar protestë...
BOTA
Seanca dëgjimore e tensionuar në Kongres/ Rubio nuk pranon ta quajë Putin një 'kriminel lufte': Përparësia e tij është të negociojë përfundimin e luftës në Ukrainë
m.lPërditësimi i fundit 21 Maj 2025, 18:41
SHBA- Sekretari i Shtetit i SHBA-së, Marco Rubio, nuk e quajti sot presidentin rus Vladimir Putin një "kriminel lufte", duke thënë se përparësia e tij është të negociojë përfundimin e luftës në Ukrainë. Në një seancë dëgjimore të tensionuar në Kongres, përfaqësuesi demokrat Bill Keating kujtoi sulmin e ashpër të Rubios ndaj Putinit kur ai ishte ende senator dhe e pyeti nëse ai ende besonte se presidenti rus ishte një "kriminel lufte".
“Gjatë luftës kundër Ukrainës u kryen krime dhe dikush duhet të mbahet përgjegjës, por qëllimi ynë sot është t’i japim fund kësaj lufte. Sepse, më lejoni t'ju them, çdo ditë që kjo luftë vazhdon, njerëz po vriten, të tjerë po gjymtohen dhe, sinqerisht, po kryhen krime të tjera lufte", tha Rubio.
Kongresmeni demokrat tha se Rubio flet "në mënyrë të paqëndrueshme" dhe "të paqartë".
"Nëse nuk do të kishte pasur komunikim midis SHBA-së dhe Rusisë në vitin 1961, bota do të kishte ndaluar në atë krizë raketore kubaneze", tha gjithashtu Rubio, duke iu përgjigjur një kongresmeni tjetër.
Presidenti i SHBA-së, Donald Trump, foli në telefon të hënën me Putinin dhe presidentin ukrainas, Volodymyr Zelensky, si pjesë e përpjekjeve të Uashingtonit, pa rezultate pozitive deri më tani, për t'i dhënë fund luftës. Kur u pyet se kush është agresori në këtë luftë, Rubio u përgjigj: Rusia pushtoi Ukrainën. Trump deri më tani e ka shmangur ta quante Rusinë “agresore”.
