Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Shënohet vdekja e parë nga zjarret në Greqi, 60-vjeçarja digjet brenda në dyqan
r.llPërditësimi i fundit 13 Gusht 2024, 08:30
dyqani i djegur
GREQI- Pas shkatërrimit të shtëpive, bizneseve dhe pronave, fatkeqësisht zjarret që kanë rënë në Atikë, sollën humbjen e parë të jetës njerëzore. Sipas informacioneve, një person ka humbur jetën nga zjarri që ka kaluar në zonën e Halandrios.
Më konkretisht, zjarrfikësit gjetën një trup të djegur, dyshohet të një gruaje, në një fabrikë në Patima Chalandriou. Sipas mediave greke, gruaja nuk ka arritur të dalë nga godina e biznesit, i cili u shkrumbua nga zjarri, dhe si pasojë ajo ka humbur jetën.
Sipas informacioneve të tjera, gruaja fatkeqe është mbi 60 vjeç, e huaj dhe punonte në një dyqan artizanati pranë varrezave të zonës, në rrugën Anapauses. Në momentin e rënies së zjarrit, të gjithë punonjësit e kompanisë janë larguar nga godina dhe gjatë numërimit është vënë re mungesa e saj, por nuk është bërë e mundur gjetja e saj.
Në përditësimin e fundit të Zjarrfikësve, përfaqësuesi për shtyp i Korpusit, z. Vathrakogiannis, mohoi informacionin që fliste për një person të zhdukur. “Duke qenë se në orën e fundit raportohet për një person të zhdukur në zonën e zjarrit, ju njoftojmë se për momentin nga Qendra Operative e Zjarrfikëses nuk ka marrë asnjë telefonatë apo thirrje për një incident të ngjashëm”. kishte thënë ai në mënyrë karakteristike. Në fund, siç rezultoi nga kërkimi i saj, 60-vjeçarja kishte humbur jetën.
