“Shkalla e shkatërrimit është e madhe dhe e paprecedentë”/ OKB: Rindërtimi i Gazës do të kushtojë 30 deri në 40 miliardë dollarë

foto ilustruese

GAZA- Një agjenci e OKB-së tha të enjten se rindërtimi i Gazës së shkatërruar nga lufta do të kushtojë rreth 30 deri në 40 miliardë dollarë dhe do të kërkojë një përpjekje në një shkallë të paparë që nga Lufta e Dytë Botërore.

"Vlerësimet fillestare të Programit të Kombeve të Bashkuara për Zhvillimin për rindërtimin e Rripit të Gazës i kalojnë 30 miliardë dollarët dhe mund të arrijnë deri në 40 miliardë dollarë. Shkalla e shkatërrimit është e madhe dhe e paprecedentë... Ky është një mision me të cilin komuniteti global nuk është marrë që nga Lufta e Dytë Botërore," tha ndihmës sekretari i përgjithshëm i OKB-së, Abdallah al-Dardari.

Ai shtoi se nëse rindërtimi i Gazës do të kryhet përmes procesit normal, mund të duhen dekada dhe populli palestinez nuk e ka luksin të presë për dekada. 

"Prandaj është e rëndësishme që ne të veprojmë shpejt për të ristrehuar njerëzit në strehim të denjë dhe për të rivendosur jetën e tyre në normalitet ekonomikisht, socialisht, në aspektin shëndetësor dhe arsimor. Ky është prioriteti ynë kryesor dhe duhet të arrihet brenda tre viteve të para pas ndërprerjes së armiqësive," shtoi Abdallah al-Dardari. 

ai vlerësoi rrënojat totale nga bombardimet dhe shpërthimet në 37 milion ton. Zyrtari i OKB-së tha gjithashtu se "72 përqind e të gjitha ndërtesave të banimit janë shkatërruar plotësisht ose pjesërisht.

lufta në gaza okb