Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
BOTA
Shkurtimet e ndihmave ndërkombëtare, OKB: Rënia e vaksinimeve po çon në përhapjen e sëmundjeve që mund të parandalohen
n.fPërditësimi i fundit 24 Prill 2025, 08:07
SHBA- Fruthi, meningjiti, ethet e verdha dhe sëmundjet e tjera që mund të parandalohen me vaksinim po përhapen, në sfondin e dezinformatave dhe shkurtimeve të ndihmës ndërkombëtare. Kështu paralajmëruan dje OKB-ja dhe Aleanca Globale për Vaksina dhe Imunizim (GAVI).
“Vaksinat kanë shpëtuar më shumë se 150 milionë jetë gjatë pesë dekadave të fundit”, theksoi Drejtori i Përgjithshëm i Organizatës Botërore të Shëndetësisë (OBSH), Tedros Adhanom Ghebreyesus, me rastin e Javës Botërore të Imunizimit.
Sipas Ghebreyesus shkurtimet e financimit të shëndetit global po i vënë në rrezik këto përparime të fituara me vështirësi. Ai theksoi se epidemitë e parandalueshme me vaksina po rriten në mbarë botën, duke vënë jetë në rrezik dhe duke i ekspozuar vendet ndaj kostove gjithnjë në rritje për trajtimin e sëmundjeve dhe reagimin ndaj shpërthimeve.
Fruthi po bën një rikthim të rrezikshëm, duke u rritur çdo vit dhe vlerësohet të ketë arritur në 10.3 milionë në 2023 (+20% krahasuar me 2022). Në 12 muajt e fundit, 138 vende raportuan raste të fruthit, 61 prej të cilave përjetuan epidemi në shkallë të gjerë. Ky është numri më i lartë që nga viti 2019.
Rastet e meningjitit dhe etheve të verdha gjithashtu u rritën ndjeshëm në Afrikë në vitin 2024. Këto tendenca të reja rritëse janë regjistruar në sfondin e keqinformimeve rreth vaksinave, përhapjes së krizave humanitare, rritjes demografike dhe shkurtimeve të financimit.
Edhe pse vendet po përpiqen të plotësojnë boshllëqet që ishin akumuluar gjatë pandemisë, numri i fëmijëve që nuk janë vaksinuar siç duhet ose në mënyrë sistematike sa duhet ka vazhduar të rritet. Në vitin 2023, 14.5 milionë rreth 13.9 milionë fëmijë nuk kishin marrë dozat e tyre dhe 12.9 milionë në 2019.
