Komisioni Europian po shqyrton mundësinë e një “Akti për Ujin”, i cili do të vendoste një kuadër më të...
BOTA
Shpërthen hantavirusi në një anije turistike, 3 të vdekur, disa të infektuar
PiranjatPërditësimi i fundit 4 Maj 2026, 09:50
Tre persona kanë humbur jetën dhe tre të tjerë janë në gjendje të rëndë shëndetësore pas një incidenti të rëndë në një anije turistike me bazë në Holandë, ku dyshohet se është përhapur hantavirusi – një infeksion i rrezikshëm i transmetuar nga brejtësit. Sipas autoriteteve, anija ekspedite MV Hondius, e operuar nga kompania Oceanwide Expeditions, ndodhej pranë Kepi i Gjelbër në Atlantikun perëndimor, kur u raportua emergjenca mjekësore. Anija kishte nisur udhëtimin nga Argjentina rreth tre javë më parë me rreth 150 pasagjerë dhe kishte kaluar në zona të ndryshme, përfshirë edhe Antarktidën, përpara se të afrohej drejt Kepit të Gjelbër.
Organizata Botërore e Shëndetësisë ka bërë të ditur se po heton rastin, ndërsa një prej pasagjerëve të infektuar ndodhet në kujdes intensiv në Afrikën e Jugut. Sipas mediave ndërkombëtare, pacienti është shtetas britanik. Hetimet paraprake tregojnë se testet laboratorike kanë konfirmuar praninë e hantavirusit tek një prej gjashtë personave të prekur. Kompania operuese ka deklaruar se autoritetet lokale nuk kanë lejuar zbarkimin e menjëhershëm të pasagjerëve që kishin nevojë për ndihmë mjekësore, ndërsa po punohet për riatdhesimin e të sëmurëve dhe transportimin e trupit të një viktime.
Hantavirusi përhapet kryesisht përmes kontaktit me urinën ose jashtëqitjet e brejtësve dhe mund të bëhet fatal, duke shkaktuar probleme të rënda në mushkëri dhe zemër. Sipas autoriteteve shëndetësore, nuk ekziston trajtim specifik, por vetëm kujdes intensiv mbështetës për pacientët në gjendje të rëndë.
