Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
BOTA
"Është koha për të përfunduar bashkimin tonë!" Forumi Ekonomik Botëror në Davos/ Von der Leyen: Nuk është në interesin e askujt të thyejmë lidhjet
M.B.Përditësimi i fundit 21 Janar 2025, 12:15
ZVICRA- Presidentja e Komisionit Evropian, Ursula von der Leyen, gjatë fajlimit në Forumin Ekonomik Botëror në Davos, ka kërkuar nga vendet e BE-së që të punojnë më ngushtë së bashku, përballë një gare globale ekonomike. Von der Leyen tha se realiteti nuk është ai që ishte projektuar 25 vite më parë, pasi bota ka hyrë në një epokë të re të konkurrencës së ashpër gjeostrategjike. Sipas saj, nuk është në interesin e askujt të prishen lidhjet në ekonominë globale.
Von der Leyen theksoi po ashtu edhe lidhjet e ngushta tregtare dhe ekonomike midis BE-së dhe SHBA-së. Ajo tha se BE do të bashkëpunojë shpejt me administratën e re të Presidentit Trump, duke mbrojtur vlerat e tyre. Von der Leyen shtoi se përdorimi i sanksioneve, kontrolleve të eksportit dhe tarifave ka të ngjarë të rriten.
Pjesë nga fjala e Von der Leyen:
Rendi botëror bashkëpunues që imagjinuam 25 vjet më parë nuk është realiteti. Në vend të kësaj, ne kemi hyrë në një epokë të re të konkurrencës së ashpër gjeostrategjike. Ne do të duhet të punojmë së bashku për të shmangur një garë globale. Nuk është në interesin e askujt, të thyejmë lidhjet në ekonominë globale. Përkundrazi, ne duhet të modernizojmë rregullat për të mbështetur aftësinë tonë për të prodhuar përfitime reciproke për qytetarët tanë.
Ne do të jemi pragmatikë, por do t’i qëndrojmë gjithmonë parimeve tona. Ne do të mbrojmë interesat tona dhe do të ruajmë vlerat tona, sepse kjo është rruga evropiane. Ndërsa kjo konkurrencë intensifikohet, ne do të vazhdojmë të shohim përdorim të shpeshtë të mjeteve ekonomike, të tilla si sanksionet, kontrollet e eksportit dhe tarifat, që synojnë të mbrojnë sigurinë ekonomike dhe kombëtare.
Me këtë frymë, ne do të duhet të punojmë së bashku për të shmangur një garë globale deri në fund. Evropa do të vazhdojë të kërkojë bashkëpunim. Me miqtë tanë dhe me çdo vend me të cilin kemi interesa të përbashkëta. Është koha për të përfunduar bashkimin tonë të energjisë në mënyrë që energjia e pastër të mund të qarkullojë lirshëm në të gjithë kontinentin tonë.
