Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Starmer: Traktati i ri me Gjermaninë, mundësi që vjen një herë në një gjeneratë
E.DPërditësimi i fundit 2 Shtator 2024, 20:57
BRITANIA E MADHE- Kryeministri britanik Keir Starmer vlerësoi lidhjet dypalëshe me Gjermaninë, duke e quajtur një traktat të ri që të dy vendet po nënshkruanin një mundësi që vjen një herë në një gjeneratë.
“Një marrëveshje e re, një testament për thellësinë dhe potencialin e marrëdhënieve tona me lidhje më të thella mbi shkencën, zhvillimin e teknologjisë, njerëzit, kulturën e biznesit, një nxitje për marrëdhëniet tona tregtare”, tha Keir Starmer në një konferencë të përbashkët për media me kancelarin gjerman Olaf Scholz në Berlin.
Starmer theksoi se në qendër të traktatit do të ishte një marrëveshje e re e mbrojtjes që ndërtohet mbi bashkëpunimin tonë tashmë të konsiderueshëm të mbrojtjes. Ai më tej tha se traktati gjithashtu zgjeron këtë marrëdhënie për t’u përballur së bashku me kërcënimet e një bote të paqëndrueshme.
“Kjo, sigurisht, nënkupton një vendosmëri të përbashkët për të mbrojtur sigurinë e popullit tonë dhe të kontinentit më të gjerë evropian”, tha ai.
Starmer mbërriti në kryeqytetin gjerman për bisedime dypalëshe dhe më vonë do të vizitojë kryeqytetin francez si pjesë e një turneu dy-ditor evropian në një përpjekje për të tejkaluar Brexit-it dhe për të rregulluar marrëdhëniet e prishura. Duke përsëritur se ai është i përkushtuar për të rivendosur marrëdhëniet me Evropën, ai shtoi se kjo nuk nënkupton rishikim të Brexit-it, e as kyçje në tregun e vetëm të BE-së ose në Unionin Doganor.
“Kjo nënkupton një marrëdhënie më të ngushtë në disa fronte, duke përfshirë ekonominë dhe mbrojtjen”, tha ai.
Starmer sonte pritet të marrë pjesë në ceremoninë e hapjes së Lojërave Paraolimpike në Paris, përpara se të takohet me afaristë francezë, duke përfshirë investitorët kryesorë në ekonominë e Mbretërisë së Bashkuar. Ai do të ketë edhe një takim me presidentin francez Emmanuel Macron në Pallatin Elysee.
