TIRANË- Ambasada amerikane në Tiranë ka publikuar së fundmi një mesazh të rëndësishëm për qytetarët n&e...
BOTA
Stuhia Eowyn godet Britaninë e Madhe, mbyllen shkollat, transporti publik dhe anulohen fluturimet, regjistrohen viktima
M.B.Përditësimi i fundit 25 Janar 2025, 08:10
BRITANI- Stuhia Eowyn ka goditur Britaninë dhe Irlandën me erëra të forta uragane "një herë në një brez", duke anuluar më shumë se 1000 fluturime dhe duke lënë 600,000 shtëpi dhe biznese pa energji elektrike, ndërsa paralajmërohet se stuhia do të vijojë.
Banorët në rajonet më të prekura i kanë përshkruar kushtet e motit si "të çmendura", pasi shumë pemë kanë rënë, transporti publik u ndal dhe erërat e forta i kthenin objektet e përditshme në të rrezikshme për kalimtarët. Mediat e huaja shkruajnë se në County Donegal, një burrë vdiq pasi një pemë ra mbi makinën e tij.
Ndërkohë, Met Office lëshoi një paralajmërim të rrallë të kuq në Skoci, me njerëzit u kërkoi të qëndronin brenda pasi moti i keq përbënte një rrezik potencial për jetën. Trenat dhe tragetet u pezulluan në të gjithë Skocinë dhe qindra shkolla u mbyllën deri në një njoftim të dytë.
