Forcat e armatosura të SHBA-së dhe Izraelit po planifikojnë të rifillojnë sulmet ndaj Iranit pas zgjedhjeve të mesit të man...
BOTA
Të shtëna me armë zjarri në Universitetin e Lincoln, të paktën 1 i vdekur dhe 7 të plagosur
PiranjatPërditësimi i fundit 26 Tetor 2025, 09:33
Të paktën 7 persona u plagosën dhe një tjetër humbi jetën pas të shtënave me armë që ndodhën të shtunën në mbrëmje në Universitetin e Lincoln në Pensilvani. Prokurori i Qarkut të Chester, Christopher de Barrena-Sarobe, njoftoi përmes një konferencë shtypi se "me hidhërim të thellë njoftojmë se një person ka vdekur dhe gjashtë të tjerë janë plagosur". Ai shtoi se nuk mund të ofronte detaje të menjëhershme mbi gjendjen e të plagosurve.
Pas ngjarjes, autoritetet u kërkuan qytetarëve të shmangin zonën e ngjarjes dhe të ndihmojnë në procesin hetimor. Prokurori bëri të ditur se autori i të shtënave është ndaluar, ndërkohë që hetuesit po vazhdojnë mbledhjen e informacioneve.
Guvernatori i Pensilvanisë, Josh Shapiro, reagoi ndaj ngjarjes, duke shprehur mbështetje të plotë për universitetin dhe forcat lokale të rendit. "Jemi të informuar për të shtënat dhe administrata jonë ofron mbështetje të plotë për universitetin dhe autoritetet lokale," deklaroi ai.
Universiteti i Lincoln, një institucion arsimor historikisht i njohur për popullatën e tij afro-amerikane, ndodhet në Oksford, rreth 70 kilometra në jugperëndim të Filadelfias.
Autoritetet lokale janë duke vazhduar hetimet për të zbardhur plotësisht rrethanat e ngjarjes.
