Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
Çdo gjë që ndodh rreth e qark nesh, drejtëpërdrejtë nga kryeqyteti. Revista ditore e ndodhive brenda dhe jashtë vendit vj...
BOTA
Të shtënat me armë para Parlamentit ku mbeti i plagosur një person, Vuçiç: Ishte akt terrorist
PiranjatPërditësimi i fundit 22 Tetor 2025, 15:03
Paraditen e sotme, para godinës së Parlamentit të Serbisë ka ndodhur një incident i rëndë ku një person mbeti i plagosur nga të shtënat me armë zjarri në një kamp tendash pro-qeveritare, të cilat më pas u përfshinë nga flakët.
Presidenti serb, Aleksandër Vuçiç, reagoi menjëherë me anë të një postimi në rrjetin social “X”, duke njoftuar se ishte i detyruar të largohej nga një takim qeveritar për shkak të këtij incidenti, që e cilësoi si një “akt terrorist”.
“Po flas si i pari dhe kërkoj ndjesë që do të më duhet të largohem nga ky takim i mrekullueshëm. Arsyeja është akti terrorist që ndodhi para Parlamentit serb, kështu që do të duhet të merrem me gjëra të tjera,” tha Vuçiç.
Mediat serbe raportojnë se pas të shtënave, pamjet filmike tregojnë ndërhyrjen e policisë dhe një burrë që del nga një prej tendave të përfshira nga zjarri.
Në anën tjetër, deputetja opozitare Marinika Tepić nga Partia e Lirisë dhe Drejtësisë, deklaroi në platformën “X” se “dikush qëlloi me armë zjarri dhe më pas i vuri flakën tendave”.
