Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
"Tiranët si Putini, dinë t’i përgjigjen vetëm forcës"/ Starmer: Rusia është një kërcënim për Britaninë e Madhe
E.DPërditësimi i fundit 25 Shkurt 2025, 17:49
BRITANI E MADHE- Kryeministri britanik, Keir Starmer, ka deklaruar se Rusia përbën kërcënim për Britaninë e Madhe. Starmer u shpreh gjithashtu gjatë fjalimit tij se paqëndrueshmëria në Evropë do të përhapet gjithmonë në brigjet tona.
“Paqëndrueshmëria në Evropë do të përhapet gjithmonë në brigjet tona… tiranët si Putini i përgjigjen vetëm forcës. Rusia është një kërcënim në ujërat tona, në hapësirën tonë ajrore dhe në rrugët tona ata kanë nisur sulme kibernetike në NHS-në tonë [dhe] vetëm shtatë vjet më parë, një sulm me armë kimike në rrugët e Salisbury-t," tha Starmer.
Starmer gjithashtu thotë se Mbretëria e Bashkuar duhet të qëndrojë pranë Ukrainës, duke thënë se tiranët si Vladimir Putin nuk i përgjigjen asgjëje përveç forcës.
"Nëse nuk arrijmë një paqe të qëndrueshme, atëherë paqëndrueshmëria ekonomike, një kërcënim për sigurinë tonë, vetëm do të rritet,"përfundoi kryeministri britanik.
Ai gjithashtu i drejtohet takimit të tij të ardhshëm me Donald Trump duke thënë se dëshiron të tregojë se dëshiron që marrëdhëniet SHBA-MB të kalojnë nga "forca në fuqi".
