Dashi
Sot do afroheni me shume se kurrë me atë qe keni ne krah dhe do flisni edhe për disa te fshehta te se kaluarës. Do gjeni mirëk...
BOTA
Tragjedia në lokalin e natës me 63 viktima, mijëra vetë protestojnë në Shkup
PiranjatPërditësimi i fundit 15 Nëntor 2025, 18:52
Mijëra qytetarë marshuan sot në Shkup duke kërkuar drejtësi për tragjedinë e 16 marsit në Koçani, ku nga një zjarr në një lokal nate humbën jetën 63 persona, kryesisht të rinj, ndërsa rreth 200 të tjerë u plagosën.
Protesta nisi nga sheshi qendror dhe përfundoi para Gjykatës së Shkupit. Familjarët e viktimave kryesonin marshimin, duke mbajtur një pankartë gjigante me fytyrat e 63 të rinjve që humbën jetën. Në pankartë shkruhej: “63 hije do t’ju ndjekin — çdo shikim kërkon drejtësi”.
“Nuk kërkojmë mëshirë, por të vërtetën dhe drejtësinë. Dhimbja është e jona, por beteja është për të gjithë. Na duhet mbështetja juaj”, deklaruan familjet në thirrjen e tyre publike.
Protesta u zhvillua pak ditë para nisjes së gjyqit për zjarrin tragjik, i cili do të hapet më 19 nëntor në sallën gjyqësore të burgut të Idrizovës. Në total, 37 persona do të dalin në gjyq, mes tyre pronari i lokalit, tre ish-kryetarë bashkie të Koçanit, dy ish-ministra të Ekonomisë dhe zyrtarë të tjerë të lartë që akuzohen se me veprimet ose mosveprimet e tyre kanë ndikuar në tragjedi.
Hetimet zbuluan se zjarri u shkaktua nga fishekzjarrët e përdorur gjatë një koncerti, ndërsa lokali nuk plotësonte kushtet minimale të sigurisë dhe funksiononte me leje të falsifikuar – elemente që kanë ndezur zemërimin e opinionit publik.
Tragjedia e Koçanit ka tronditur Maqedoninë e Veriut, ndërsa familjarët dhe qytetarët e Koçanit vijojnë protestat duke kërkuar përgjegjësi dhe transparencë.
