Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
Flakët në malin me mbetje në fshatin Halil, Fushë-Krujë, janë shuar nga reshjet e shiut, por zjarri vijon të jetë akti...
BOTA
Tronditëse/ Policia greke gjen një fetus brenda shishes së qelqit, autori: Ma trashëgoi gjyshi!
PiranjatPërditësimi i fundit 25 Shtator 2025, 11:45
Një ngjarje e rëndë dhe shumv tronditëse ka ndodhur në Greqi, ku policia ka gjetur një fetus brenda një shisheje qelqi. Gjithçka u zbulua në një apartament në Atikë, ku gjetën dhjetëra objekte antike dhe një fetus njerëzor brenda një shisheje qelqi transparente.
Ky hetim filloi pas një ankese nga Ministria e Kulturës, sipas së cilës pronari po refuzonte t’ia dorëzonte shtetit antikitetet që kishte në zotërim. Një kontroll në shtëpi u krye në apartamentin e ekonomistit në pension në Atikë, me urdhër të një prokurori. Policia gjeti dhjetëra objekte që bien nën ligjin e antikiteteve, duke përfshirë vazo të lashta, libra dhe piktura, të cilat sipas autoriteteve janë pjesë e trashëgimisë kulturore të Cikladeve. Megjithatë, gjetja që shkaktoi tronditje ishte një fetus njerëzor, i vendosur në një shishe qelqi.
“Gjyshi im e kishte në zotërim dhe unë e mbaja”, thuhet se i tha i arrestuari policisë, duke pretenduar se të gjitha objektet i kishin ardhur nëpërmjet të afërmve dhe se ai vetë nuk ishte përfshirë aktivisht në mbledhjen e tyre. Fetusi pritet të dërgohet në shërbimin mjeko-ligjor për të dhënë përgjigje në lidhje me origjinën e tij, ndërsa objektet e lashta do të transferohen në muzeun e Naxosit. Pensionisti pritet të dërgohet sot në Evelpidon, pasi autoritetet kanë ngritur një padi kundër tij për shkelje të legjislacionit për antikitetet. Pyetja që mbetet për t’u përgjigjur është se si dhe pse fetusi u gjet në posedimin e tij.
