Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Trump përgatitet të nënshkruajë urdhrin për mbylljen e Departamentit të Arsimit në SHBA
M.B.Përditësimi i fundit 6 Mars 2025, 15:21
SHBA- Presidenti amerikan, Donald Trump mund të vendosë këtë javë për të ndërmarrë hapat e parë për të mbyllur Departamentin e Arsimit. Ky hap i Trump pritet të vijë në vazhdën e masave për zvogëlimin në mënyrë dramatike të stafit të qeverisë federale. Bëhet e ditur se zyrtarët e Shtëpisë së Bardhë kanë përgatitur një urdhër ekzekutiv që udhëzon Sekretaren e Arsimit Linda McMahon të fillojë procesin e “çmontimit” të departamentit. Trump mund ta nënshkruante dokumentin që të enjten, por planet ende nuk ishin finalizuar.
“Republikani ka sinjalizuar prej kohësh synimin e tij për të mbyllur departamentin, por eliminimi i plotë i tij do të kërkojë që Kongresi të veprojë”, tha McMahon gjatë seancave dëgjimore të konfirmimit në fillim të këtij viti.
Ndërsa thirrjet për të shfuqizuar Departamentin e Arsimit ose për ta bashkuar atë me një agjenci tjetër federale nuk janë të reja, lëvizja historikisht ka dështuar të marrë mbështetje nga Kongresi. Edhe nëse Trump do të ketë sukses në mbylljen e departamentit, është e mundur që disa programe dhe fonde të mund të mbahen dhe të zhvendosen në agjenci të tjera, ku ato ishin vendosur para se të krijohej departamenti në 1979.
