Investimet kapitale nga buxheti i shtetit arritën në 62,7 miliardë lekë gjatë 9-mujorit, duke realizuar vetëm 35,6% të plan...
BOTA
Trump: Uraniumi i pasuruar i Iranit do t’i dorëzohet SHBA-së ose do të shkatërrohet
PiranjatPërditësimi i fundit 26 Maj 2026, 08:13
Donald Trump tha se rezervat e uraniumit të pasuruar të Iranit duhet ose të dorëzohen në Shtetet e Bashkuara ose të shkatërrohen nën mbikëqyrje ndërkombëtare, ndërsa negociatat për një marrëveshje të re me Teheranin vazhdojnë.
Në një postim në platformën Truth Social, presidenti amerikan tha se uraniumi i pasuruar i Iranit duhet ose të transferohet në Shtetet e Bashkuara për shkatërrim ose të shkatërrohet në një vend tjetër, në prani të vëzhguesve ndërkombëtarë.
Sipas raporteve amerikane, zyrtarët amerikanë kanë argumentuar se i gjithë rezerva e uraniumit të pasuruar të Iranit duhet të hiqet si pjesë e një marrëveshjeje të mundshme.
Teherani, nga ana e tij, këmbëngul se nuk do të diskutojë programin e tij bërthamor përpara se të zbatohet një armëpushim i mundshëm 60-ditor, i cili po negociohet si pjesë e marrëveshjes.
Kontaktet midis dy palëve po vazhdojnë, pa shenja të një marrëveshjeje përfundimtare deri më tani.
“Uraniumi i pasuruar (“Pluhuri Bërthamor!”) ose do të dorëzohet menjëherë në Shtetet e Bashkuara për transferim dhe shkatërrim ose, mundësisht, në bashkëpunim dhe koordinim me Republikën Islamike të Iranit, do të shkatërrohet në vend ose në një vend tjetër të pranueshëm, me Komisionin e Energjisë Atomike ose ekuivalentin e tij që mbikëqyr procesin”, shkroi Trump.
Ai nuk sqaroi nëse po i referohej ekskluzivisht afërsisht 440 kilogramëve uranium të pasuruar shumë që zotëron Irani apo të gjithë rezervave të uraniumit të pasuruar të vendit.
